Jama Halwa

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే జామ హల్వా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

2

కావాల్సిన పదార్ధాలు

జామకాయలు - రెండు,
పంచదార - పది టేబుల్ స్పూన్లు,
నెయ్యి - ఒక టేబుల్ స్పూన్,
నీళ్లు - అరకప్పు,
యాలక్కాయపొడి - చిటికెడు,
బాదం, జీడి పప్పు, ఎండుద్రాక్షలు - అలంకరణకు.

తయారు చేయు విధానం

Step 1
జామకాయల్ని నాలుగు పెద్ద ముక్కలుగా కోసి గింజలు తీసేయాలి.
Step 2
ఆ తరువాత చిన్న ముక్కలు కోయాలి. కుక్కర్లో జామకాయ ముక్కల్ని ఉడికించాలి.
Step 3
చల్లారిన తరువాత మిక్సీలో మెత్తటి గుజ్జులా పట్టాలి. అవసరమయితే కొద్దిగా నీళ్లు కలపొచ్చు.
Step 4
కళాయిలో పంచదార వేసి కొంచెం నీళ్లు పోసి ఉడికించాలి. పంచదార కరిగిన తరువాత జామ గుజ్జును వేసి చిక్కగా అయ్యే వరకు ఉడికించాలి.
Step 5
తరువాత కొద్దిగా నెయ్యి కలిపి సన్నటి సెగ మీద ఉడికించాలి.
Step 6
గిన్నెకు మిశ్రమం అంటుకోకుండా గరిటెతో కలియపెడుతూనే ఉండాలి.
Step 7
బాగా చిక్కపడిన తరువాత యాలక్కాయపొడి వేసి నట్స్తో అలంకరించాలి. ఆరోగ్యకరమైన నోరూరించే హల్వా రెడీ.