Kanda Pachadi

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కంద ప‌చ్చడి ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

3

కావాల్సిన పదార్ధాలు

కంద పావుకేజీ,
పచ్చిచింతకాయలు వంద గ్రా,
ఎండుమిర్చి-పదహారు,
ఎండుకొబ్బరి తురుము-ఐదు చాలు, ఆవాలు, జీలకర్ర రెండూ కలిపి ఐదు చెంచాలు,
మినప్పప్పు, సెనగపప్పు రెండూ కలిపి ఐదుచెంచాలు,
బెల్లం-పావుకప్పు, నూనె-అరకప్పు,
కొత్తిమీర కట్ట,
ఉప్పు తగినంత,
పసుపు-చెంచా,
ఇంగువ-అరచెంచా,
మెంతులు-రెండుచెంచాలు, పచ్చిమిర్చి ఆరు,
పెరుగు అరకప్పు.

తయారు చేయు విధానం

Step 1
పెరుగులో ఉప్పు, పసుపు వేసుకుని కందముక్కలు వేయాలి. కాసేపయ్యాక పెరుగు పిండేసి ముక్కల్ని విడిగా తీసిపెట్టుకోవాలి.
Step 2
బాణలిలో కొద్దిగా నూనె వేడిచేసి ఎండుమిర్చి, తాలింపు దినుసులు, మెంతుల్ని వేయించి పెట్టుకోవాలి.
Step 3
అందులో కొన్ని తాలింపుగింజల్ని విడిగా తీసుకోవాలి. చింతకాయల్ని శుభ్రంగా కడిగి దంచుకోవాలి.
Step 4
బాణలిలో మిగిలిన నూనె వేడిచేసి కందముక్కలు, చింతకాయ మిశ్రమాన్ని వేసి మగ్గనివ్వాలి.
Step 5
ఇందులోనే పచ్చిమిర్చి, కొత్తిమీర కూడా వేసి కాసేపయ్యాక దింపేయాలి.
Step 6
కావాలనుకుంటే మరికాస్త ఉప్పు వేసుకుని.. అన్నింటినీ మిక్సీ పట్టి చివరగా బెల్లం తురుము, కొబ్బరికోరు చేర్చితే సరిపోతుంది. మిగిలిన తాలింపు దినుసుల్ని పైన కలపాలి.