onion pulusu

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఉల్లి పాయ పులుసు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

20 Minutes
Servings

3

కావాల్సిన పదార్ధాలు

ఉల్లి పాయలు 4
టమాటో 1
బెండకాయలు 2
వంకాయ 1
పచ్చి మిరపకాయలు 2
కరివే పాకు
వెల్లుల్లి 2 రెబ్బలు
ఆవాలు పావు స్పూన్
మెంతులు పావు స్పూన్
జీలకర్ర పావు స్పూన్
ఎండు మిరపకాయలు 2
ఇంగువ కొద్దిగా
చింత పండు నిమ్మ కాయంత
బెల్లము కొద్దిగా

తయారు చేయు విధానం

Step 1
చింత పండు ను ఒక గిన్నేలో నీళ్ళూ పోసి నానబెట్టుకోవాలి , స్టవ్ వెలిగించుకుని బాణలి పెట్టి 3 స్పూన్స్ ఆయిల్ వేసుకుని , పైన చెప్పిన పోపు దినుసులను వేసి వేగాక, ఉల్లి , టమాటో , వంకాయ , బెండకాయ ముక్కలను , వెల్లుల్లి రెబ్బలను వేసి దోరగా వేగనివ్వాలి .
Step 2
ఇప్పుడు నానబెట్టిన చింతపండు ను , నానబెట్టిన నీళ్ళలో నుండి పిప్పిని తీసి వేసి , వేగిన ఉల్లిపాయ మిశ్రమాని వేసి , పసుపు , ఉప్పు, బెల్లము సరిపడునంతగా వేసి స్టవ్ మీద పెట్టాలి , ఒక 5 నిమిషాలు మరిగాక, ఒక 2స్పూన్స వరి పిండిని చిన్న కప్పులోకి తీసుకుని నీళ్ళు పోసి ఉండలు లేకుండా కలుపుకుని , దానిని స్టవ్ మీద మరుగుతున్న పులుసులో కలిపుకుని కొంత సేపు మరగనివ్వాలి , 15 నిమిషాలు మరిగాక స్టవ్ ఆఫ్ చేస్తే ఉల్లిపాయ పులుసు రెడీ . దీనిని కందపొడి , కంది పచ్చడి లేక పాటోలి తో తింటే బాగుంటుంది.