Bengali Kichidi

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయేబెంగాలీ కిచిడీ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

1

కావాల్సిన పదార్ధాలు

బియ్యం (బాసుమతి లేక సాదా) - 1 కప్పు కాస్త వెలితిగా
పెసరపప్పు - 1 కప్పు నిండుగా
పసుపు - తగినంత
నేయి - 2 - 3 స్పూన్లు
ఉప్పు - తగినంత
జీలకర్ర - 1 స్పూన్
ఎండు మిరపకాయలు - 2
పలావు ఆకు - 1
దాల్చిన చెక్క, లవంగం, ఇలాచి - 3 చొప్పున
కాయగూరలు - కాలిఫ్లవర్ మొగ్గలు, ఆలూ ముక్కలు, పచ్చిమిర్చి, బఠాణి, బీన్స్.. అన్నీ కలిపి ఒక కప్పు
పంచదార - 1/2 స్పూన్
ఎర్రకారం - 1 స్పూన్

తయారు చేయు విధానం

Step 1
ముందుగా స్టవ్ వెలిగించి కుక్కర్ లేదా దళసరి గిన్నె పెట్టుకుని రెండు స్పూన్ల నేయి వేసి పెసర పప్పు దోరగా వేయించి పక్కన పెట్టుకోవాలి.
Step 2
ఇప్పుడు మరికొంచెం నేయి లేక నూనె తీసుకొని.. అందులో ముందుగా దాల్చిన చెక్క, లవంగం, ఇలాచి (కొద్దిగా దంచి), పలావు ఆకు, జీలకర్రతో వేసి వేయిస్తూ కడిగిన కూరగాయ ముక్కల్ని కూడా వేసి దోరగా వేయించుకోవాలి.
Step 3
అందులో ముందు వేయించి పెట్టుకున్న పెసరపప్పు నానబెట్టి ఉంచుకున్న బియ్యం వేసి కొలతగా 3 to 4 గ్లాసులు సుమారుగా చూసుకొని పోసి అందులో పసుపు, ఉప్పు, చక్కెర, కారం కలిపి కుక్కర్ 3,4 విజిల్స్ వచ్చాక స్టవ్ ఆఫ్ చేయాలి.
Step 4
ఇప్పుడు రెడీ అయిన కిచిడీ ని కొంచంసేపు చల్లారనిచ్చి దానిపై నేతిపోపు ఎండుమిరప జీలకర్రతో కలిపి వేసుకుంటే మరింత రుచిగా ఉంటుంది. దీనికి అప్పడం జోడించి తింటే.. ఇక ఆరుచికి సాటి రాదు ఏదీ..