Cauliflower Paneer Bhurji

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కాలిఫ్లవర్ పన్నీర్ భుర్జి ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

4

కావాల్సిన పదార్ధాలు

పచ్చి మిర్చి- 3
అల్లం వెల్లుల్లి పేస్టు - 1 చెమ్చ
గరం మసాలా పొడి - 1 చెమ్చ
ఉల్లిపాయల ముద్ద - చిన్న కప్పు
టమాటా ప్యూరి - చిన్న కప్పు
ఉల్లిపాయలు - 2
కాలిఫ్లవర్ -1/2 కేజీ
పన్నీరు తురుము - 1/2 కప్పు
ఉప్పు, కారం, పసుపు - తగినంత
నూనె - 2 చెమ్చాలు
జీలకర్ర - 1/2 చెమ్చా
కసూరి మేతి - 1 చెమ్చా

తయారు చేయు విధానం

Step 1
ముందుగా ఉల్లిపాయలని ఓ ఐదు నిమిషాల పాటు వేయించి తీసి పక్కన పెట్టాలి, చల్లారాక మెత్తగా గ్రైండ్ చేసుకోవాలి. * అలాగే టమాట ప్యూరీ రెడీగా వుంటే సరే లేకపోతే టమాటాలని నీళ్ళలో వేసి ఉడికించి, పైన ఊడివచ్చే పలచటి చెక్కు తీసేసి వాటిని మెత్తగా పేస్టులా గ్రైండ్ చేయాలి.
Step 2
ఇలా ఉల్లిపాయ, టమాటా ముద్దలు సిద్దం చేసుకున్నాకా, పన్నీరుని కోరుకోవాలి.
Step 3
ఇప్పుడు బాణలిలో నూనె వేసి, జీలకర్ర, పచ్చిమిర్చి, కసూరీ మేతి వేసి వేయించాలి.
Step 4
ఆ తరువాత సన్నగా తరిగిన ఉల్లిపాయ ముక్కలు వేసి అవి ఎర్రగా వేగాక అల్లం వెల్లుల్లి ముద్ద, ఉల్లిపాయ ముద్ద , టమాటా ప్యూరీలని కూడా వేసి అవి నీరు వదిలి దగ్గరుగా అయ్యేదాకా వేయించాలి.
Step 5
అప్పుడు గరం మసాల, పసుపు, కారం, ఉప్పు వేసి బాగా కలిపాకా, ముందుగా ఉడికించి పెట్టుకున్న కాలిఫ్లవర్ ని కూడా వేసి ఓ 5 నిముషాలు స్టవ్ పై వుంచాలి.
Step 6
ఆఖరున తురిమి పెట్టుకున్న పన్నీరుని కలిపి, కలియబెట్టి ఓ 5 నిముషాలు స్టవ్ పై వుంచి దించాలి. పన్నీరు వేసాకా మూత పెట్టకూడదు. నీరు వచ్చేస్తుంది...
Step 7
కాలీఫ్లవర్ కి అన్ని మసాలా రుచులతో పాటు పన్నీరు కూడా చేరి కూర చాలా రుచిగా వుంటుంది.