Gongura Pulusu

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గోంగూర పులుసు ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

3

కావాల్సిన పదార్ధాలు

గోంగూర -రెండు కట్టలు
ఉల్లిపాయలు - మూడు
పచ్చి మిర్చి- ఆరు
చింతపండు - తగినంత
పసుపు - చిటికెడు
ఉప్పు - తగినంత
కారం - ఒక స్పూన్
నూనె -రెండు స్పూన్లు

తయారు చేయు విధానం

Step 1
ముందుగా గోంగూర ఆకులని కాడలు లేకుండా తుంపి , బాగా శుభ్రంగా నీటితో కడుక్కోవాలి.
Step 2
ఆ తరువాత ఉల్లిపాయలు, గోంగూర, పచ్చి మిర్చి చిన్న గా కట్ చేసుకోవాలి.
Step 3
తరువాత కుక్కర్ గిన్నె లో గోంగూర, ఉల్లిపాయ, పచ్చి మిర్చి వేసి,తగినంత నీరు వేసి మూత పెట్టి ఉడికించాలి.
Step 4
తరువాత మూడు, నాలుగు విసిల్స్ వచ్చాక స్టవ్ ఆఫ్ చేయాలి.
Step 5
పోపు గరిట లో కొద్దిగా నూనె వేసి వేడి చేసి ఆవాలు, ఎండు మిర్చి వేసి కొద్దిగా వేయించాలి.
Step 6
తరువాత ఉడికించిన గోంగూర లో వేసి కలపాలి.
Step 7
ఆ తరువాత చింతపండు పులుసు, పసుపు, కారం, ఉప్పు వేసి ఐదు నిముషాలు పాటు ఉడికించాలి.
Step 8
ఎంతో రుచిగా ఉండే గోంగూర పులుసు రెడి. ఇది అన్నంతో తింటే చాలా బాగుంటుంది.