onion soup recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఉల్లిపాయ పులుసు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

15 Minutes
Servings

1-2

కావాల్సిన పదార్ధాలు

ఉల్లిపాయలు - 4 (పెద్దవి)
చింతపండు - చిన్ననిమ్మకాయంత
పచ్చిమిర్చి - 4 (నిలువుగా, పెద్దగా కట్ చేసుకోవాలి)
ఉప్పు - తగినంత
పసుపు - చిటికెడు
శనగపిండి - మూడు టీ స్పూన్లు
బెల్లం - కొద్దిగా
పోపు:
ఆవాలు - అర టీ స్పూను
ఎండుమిర్చి - నాలుగు,
నూనె - టీ స్పూను,
ఇంగువ - చిటికెడు
మినప్పప్పు - టీ స్పూను

తయారు చేయు విధానం

Step 1
ఉల్లిపాయలను ఒలిచి మీడియం సైజులో క ట్ చేసుకోవాలి. ఒక గిన్నెలో కొద్దిగా నీరు పోసి అందులో చింతపండును నానపెట్టాలి.
Step 2
బాగా నానిన తరవాత చిక్కగా పులుసు తీసి చింతపండు పిప్పి తీసేయాలి.
Step 3
ఒక గిన్నెలో ఉల్లిపాయ ముక్కలు, ఉప్పు, పసుపు, బెల్లం, తరిగిన పచ్చిమిర్చి, రెండు గ్లాసుల నీరు పోసి ముక్క మెత్తపడేవరకు ఉడికించాలి.
Step 4
తరవాత అందులో చింతపండురసం పోయాలి. ఇది కూడా బాగా ఉడికిన తరవాత ఇందులో నీళ్లలో కలిపిన శనగపిండిని పోయాలి.
Step 5
అన్నీ బాగా మరిగిన తరవాత అందులో వేయించి ఉంచుకున్న పోపు వేసి బాగా కలపాలి.
Step 6
చివరగా కొత్తిమీర, కరివేపాకులతో గార్నిష్ చేయాలి. ఇది అన్నంలోకి, ముద్దపప్పులోకి చాలా రుచిగా ఉంటుంది.