malai peda recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మలై పేడా ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

1-4

కావాల్సిన పదార్ధాలు

చిక్కటి పాలు - రెండున్నర కప్పులు;
పల్చటి పాలు - రెండున్నర కప్పులు;
కుంకుమ పువ్వు - కొద్దిగా;
నిమ్మ ఉప్పు - పావు టీ స్పూను;
కార్న్ ఫ్లోర్ - 2 టీ స్పూన్లు (పల్చటి పాలలో వేసి కరిగించాలి);
ఏలకుల పొడి - అర టీ స్పూను;
పంచదార - 4 టీస్పూన్లు;
పిస్తా పప్పులు - టీ స్పూను (చిన్న చిన్న ముక్కలుగా కట్ చేయాలి)

తయారు చేయు విధానం

Step 1
నాలుగు టీ స్పూన్ల చిక్కటి పాలను పక్కన ఉంచి, మిగిలిన చిక్కటి పాలకు, పల్చటి పాలను జత చేసి స్టౌ మీద ఉంచి మరిగించాలి.
Step 2
అంచులకు అంటుకోకుండా గరిటెతో కలుపుతూ ఉండాలి.
Step 3
చిన్న పాత్రలో నాలుగు టీ స్పూన్ల చిక్కటి పాలు, కుంకుమ పువ్వు వేసి బాగా కలిపి పక్కన ఉంచాలి.
Step 4
మూడు టేబుల్ స్పూన్ల నీళ్లలో నిమ్మ ఉప్పు వేసి కలిపి, మరుగుతున్న పాలలో చిలకరించాలి.
Step 5
నీళ్లలో కరిగించిన కార్న్‌ఫ్లోర్, పంచదార వేసి బాగా కలిపి చూడటానికి కోవాలా అయ్యేవరకు ఉంచాలి.
Step 6
కుంకుమ పువ్వు మిశ్రమం, ఏలకుల పొడి వేసి బాగా కలిపి దించి, చల్లారనివ్వాలి.
Step 7
ఈ మిశ్రమాన్ని పేడాలుగా చేసుకోవాలి. పిస్తా తరుగుతో అలంకరించి, సుమారు గంటసేపు ఫ్రిజ్‌లో ఉంచి, తీసిన పావు గంటకు అందించాలి. ఇవి రెండు మూడురోజులు తాజాగా ఉంటాయి.