pyas ki pool masala recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ప్యాజ్‌ కీ పూల్‌ మసాలా ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

10 Minutes
Servings

1-5

కావాల్సిన పదార్ధాలు

ఉల్లిపాయలు-4 (మీడియం సైజువి)
మైదాపిండి-200 గ్రాములు
మంచినీళ్లు-సరిపడా
ఉప్పు- తగినంత
కారం- 2 టీస్పూన్లు
కొత్తిమీర-2 కట్టలు
నూనె-వేయించడానికి సరిపడా
మసాలా కూరకోసం పెరుగు-2 కప్పులు
ఎండుకొబ్బరి తురుము-4 టేబుల్‌స్పూన్లు
గసగసాలు-4 టేబుల్‌స్పూన్లు
పచ్చిమిర్చి-4
ఎర్ర కారం-2 టీస్పూన్లు
గరంమసాలా-2 టీస్పూన్లు
అల్లంవెల్లుల్లి పేస్ట్‌-2 టేబుల్‌స్పూన్లు
కొత్తిమీర-2 కట్టలు
ఉప్పు-రుచికి సరిపడా
నూనె-6 టేబుల్‌స్పూన్లు

తయారు చేయు విధానం

Step 1
ఉల్లిపాయల పొట్టు తీసి పైనా కిందా ముచ్చికా తోక కోసి తిరగే యాలి.
Step 2
తర్వాత పైనుంచి కిందిభాగం వరకూ పూర్తిగా తెగిపోకుండా ఎనిమిదిసార్లు పద్మం ఆకారంలో గాట్లు పెట్టి నట్లుగా పువ్వు మాదిరిగా కోయాలి.
Step 3
తర్వాత విడిగా ఓ గిన్నెలో మైదా వేసి అందులో ఉప్పు, తగినన్ని నీళ్లు పోసి పలుచగా కలపాలి.
Step 4
అందులో ఉల్లిపువ్వుల్ని వేసి పిండి మిశ్రమం ఉల్లిపొరల్లోకి వెళ్లేలా పట్టించాలి. తర్వాత వేడి నూనెలో వేయించి తీసి పెట్టుకోవాలి.
Step 5
తర్వాత వేరే బాణలిలో గసగసాలు, ఎండుకొబ్బరి వేయించి తీసి చల్లారాక మిక్సిలో పేస్ట్‌ చేసి పెట్టుకోవాలి.
Step 6
బాణలిలో నూనె వేడి చేసి గరంమసాలా, అల్లంవెల్లుల్లి పేస్ట్‌ వేసి పచ్చివాసన పోయేవరకూ వేయించాలి.
Step 7
తర్వాత గసాలు, కొబ్బరి ముద్ద వేసి వేయించాలి. అందులోనే కారం, పచ్చిమిర్చి, పెరుగు వేసి కలిపి ఉడికించాలి.
Step 8
గ్రేవీ బాగా ఉడికి పొడిగా అవుతుంటే మళ్లీ కొంచెం నీళ్లు పోసి కలపాలి.
Step 9
అందులోనే వేయించిన ఉల్లిపువ్వులు వేసి ఓ నిమిషం ఉడికించి దించి కొత్తిమీరతో గార్నిష్‌ చేసి వేడి రోటీలోనైనా, అన్నంలోనైనా వడ్డిస్తే సరి.