kolhapuri mutton recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కొల్హాపురి మటన్‌ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

1-5

కావాల్సిన పదార్ధాలు

మటన్‌- అరకిలో,
టొమాటో ముక్కలు- ఒకటి,
ఉల్లిపాయ తరిగినది- ఒకటి,
కొబ్బరి తురిమినది - అరచిప్ప,
అల్లం వెల్లుల్లి పేస్ట్‌- రెండు టీస్పూన్‌లు,
మిరియాలు- నాలుగు లేక ఐదు
గసగసాలు - రెండు టీ స్పూన్‌లు,
ధనియాలు- రెండు టీ స్పూన్‌లు,
పసుపు- ఒక టీ స్పూన్‌,
గరమ్‌ మసాల పొడి- ఒక టీ స్పూన్‌,
నూనె తగినంత.

తయారు చేయు విధానం

Step 1
మటన్‌ని కడిగి శుభ్రం చేసి నీరు ఇగిరి పొడిగా అయిందాకా ఉడికించండి.
Step 2
ఉల్లిపాయ ముక్కలు, అల్లం వెల్లుల్లి , టొమాటో ముక్కలు, మిరియాలు, ధనియాలు మెత్తగా రుబ్బి పెట్టుకోండి.
Step 3
మూకుడులో నూనె వేడి చేసి మసాలా వేసి 7 లేక 8 నిమిషాలు నూనె తేలిందాకా వేగించండి.
Step 4
తర్వాత ఉడికించిన మటన్‌ని వేసి మసాల దానికి బాగా పట్టేలా కలియబెట్టండి.
Step 5
తరువాత తురిమిన కొబ్బరి వేసి మటన్‌ మసాలాని పూర్తిగా పీల్చుకునే దాకా ఉడికించండి.
Step 6
ఒకవేళ బాగా పొడిగా అయినట్లు అనిపిస్తే కొద్దిగా నీరు చిలకరించండి.
Step 7
పూర్తిగా ఉడికిన తరువాత తీసి పరాఠాలతో కానీ చపాతీతోగానీ వడ్డించండి. దాదాపు మన మటన్‌ ఇగురు కూరే ఇది.