Kakara Sabji recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కాకర సబ్జీ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

30 Minutes
Servings

2-3

కావాల్సిన పదార్ధాలు

కాకరకాయలు - అరకిలో,
ఉల్లిపాయలు - రెండు,
పచ్చిమిరపకాయలు - నాలుగు,
ఎండుమిరపకాయలు - మూడు,
ధనియాలు - ఒక టేబుల్ స్పూను,
శెనగపప్పు - పావు కప్పు,
జీలకర్ర - రెండు టీ స్పూన్లు,
వెల్లుల్లి రేకలు - నాలుగు,
కరివేపాకు - రెండు రెబ్బలు,
చింతపండు - 20 గ్రాములు,
పసుపు - కొద్దిగా
ఉప్పు - తగినంత,
నూనె - సరిపడా.

తయారు చేయు విధానం

Step 1
ముందుగా ఎండుమిరపకాయలు, శెనగపప్పు, ధనియాలు, జీలకర్ర వేగించుకుని మెత్తగా పొడి చేసి పక్కన పెట్టుకోవాలి.
Step 2
కాకరకాయని పొట్టు తీసి చక్రాలుగా కోసుకోవాలి. పొయ్యిమీద గిన్నె పెట్టి ఒక పెద్దగ్లాసు చింతపండు నీళ్లు పోసి వేడెక్కాక అందులో కాకరకాయ ముక్కలు, కొద్దిగా ఉప్పు వేసి బాగా ఉడికించాలి.
Step 3
నీళ్లన్నీ పోయాక దించి పక్కన పెట్టుకోవాలి. మరో గిన్నెలో నూనె పోసి బాగా వేడెక్కాక జీలకర్ర, వెల్లుల్లి రేకలు, కరివేపాకు, పచ్చిమిరపకాయ ముక్కలు, ఉల్లిపాయ ముక్కలు వేసి వేగించాలి.
Step 4
తర్వాత ఉడికించి పెట్టుకున్న కాకరకాయ ముక్కలు వేసి సన్ననిమంటపై మగ్గనివ్వాలి. దించేముందు శెనగపప్పు పొడి వేసి బాగా కలపి దించేయాలి. తీపిని ఇష్టపడేవారు శెనగపప్పు పొడి బదులు కొద్దిగా బెల్లం వేసి కలుపుకోవాలి.