radish leaf recipe

మనము ముల్లంగితో చేసుకునేంత వంటలు ముల్లంగి ఆకులతో చేసుకోవటం కొంచెం అరుదు. ఇవి కొంచెం పాల కూర ఆకులను పోలి వుంటాయి. రుచి ముల్లంగి మాదిరిగానే కొంచెం వగరుగా వుంటుంది. ఐతేనేమి! ఏ ఆకుకూర లోనైనా ఔషధ గుణాలు ఎన్నో. మూతప్రిండాలను ఆరోగ్యంగా ఉంచడమే కాదు శరీర బరువును తగ్గించేందుకు ముల్లంగి ఎంతగానో ఉపయోగపడుతుంది. మరి అలాంటి ముల్లంగి ఆకులతో కూర ఎలా చేసుకోవాలో ఇప్పుడు చూద్దాం.

Prep Time

10 Minutes
Cooking Time

25 Minutes
Servings

4

కావాల్సిన పదార్ధాలు

ముల్లంగి ఆకులు - పావుకేజి,
ఉల్లిపాయలు - 2,
పచ్చిమిర్చి - 2,
కారం - 1 టీ స్పూను,
పసుపు - చిటికెడు,
కొత్తిమీర - 1 కట్ట,
ఆవపొడి - అర టీ స్పూను.
ఉప్పు - రుచికి తగినంత,
మినప్పప్పు -1 టీ స్పూను,
శనగపప్పు - 1 టీ స్పూను,
జీలకర్ర - అర టీ స్పూను,
కరివేపాకు - 4 రెబ్బలు.

తయారు చేయు విధానం

Step 1
ముల్లంగి ఆకును శుభ్రంగా కడిగి, ఆరనిచ్చి సన్నగా తరగాలి.
Step 2
కడాయిలో నూనె వేసి జీలకర్ర, శనగపప్పు, మినప్పప్పులు వేయాలి.
Step 3
తర్వాత తరిగిన ఉల్లి, పచ్చిమిర్చి, కరివేపాకు, పసుపు వేసి 2 నిమిషాల తరువాత తరిగిన ఆకుని కలిపి మూతపెట్టి మగ్గనివ్వాలి.
Step 4
ఐదు నిమిషాల తర్వాత ఉప్పు, కారం చల్లాలి. కూర దించేముందు ఆవపిండిని, కొత్తిమీరను కలపాలి.
Step 5
అంతే హెల్తీ ముల్లంగి ఆకుకూర రెడీ అయినట్లే... వేడి వేడి అన్నంగానీ, రోటీలోకి గానీ బావుంటుంది.