Royyala Biryani Recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రొయ్యల బిర్యానీ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

1 Hour 20 Minutes
Servings

4-6

కావాల్సిన పదార్ధాలు

బాస్మతి బియ్యం- ఒక కేజీ,
రొయ్యలు- కేజీన్నర,
పెరుగు- 200 గ్రాములు,
నిమ్మరసం- మూడు టీస్పూన్లు
కారంపొడి- 20 గ్రాములు,
అల్లం వెల్లుల్లి పేస్ట్‌ - 100 గ్రాములు,
ఉప్పు- 50 గ్రాములు,
గరంమసాలా- 20 గ్రాములు,
రిఫైన్డ్‌ ఆయిల్‌- 100 గ్రాములు,
వేగించిన ఉల్లి ముక్కలు (సన్నగా నిలువుగా కోసి) - 30 గ్రాములు,
జీడిపప్పు - కొద్దిగా,
కొత్తిమీర తరుగు - 15 గ్రాములు,
పుదీనా తరుగు - 15 గ్రాములు,
బిర్యానీ ఆకులు- ఐదు గ్రాములు,
డాల్డా లేదా నెయ్యి- 150 గ్రాములు,
నీళ్లు- 5 లీటర్లు

తయారు చేయు విధానం

Step 1
ఒక గిన్నెలో రొయ్యలు వేసి వాటిలో నిమ్మరసం, అల్లంవెల్లుల్లి పేస్ట్‌, గరంమసాలా, వేగించిన ఉల్లి ముక్కలు, పెరుగు, కొత్తిమీర, పుదీనా తరుగు, ధనియాల పొడి, నూనె వేసి కలపాలి.
Step 2
దీన్ని రెండు నుంచి మూడు గంటలు నానబెట్టాలి. ఒక గిన్నెలో నీళ్లు పోసి అందులో గరం మసాలా, బిర్యానీ ఆకులు వేయాలి. నీళ్లు ఉడుకుపట్టాక కడిగి పెట్టుకున్న బాస్మతి బియ్యాన్ని వేయాలి.
Step 3
బియ్యం సగం ఉడికాక నీళ్లు వంపేయాలి. అన్ని వైపులా సమంగా ఉన్న గిన్నె తీసుకుని అందులో ముందు నానబెట్టిన రొయ్యల్ని ఒక పొరలా వేయాలి.
Step 4
వాటిపైన సగం ఉడికించిన బిర్యానీ రైస్‌ను పొరలా పరవాలి. పైన నెయ్యి వేయాలి. ఈ గిన్నెను ఒక తవాపై ఉంచి సన్నటి మంట మీద 25 నిమిషాల పాటు ఉడికించాలి.
Step 5
ఆ తర్వాత గిన్నె మీద మూత పెట్టి ఆవిరి బయటకు రాకుండా గిన్నెను, మూతను కలిపి మైదాతో మూసేయాలి. మండుతున్న బొగ్గులు మూతమీద వేయాలి.
Step 6
20 నిమిషాల తర్వాత మూతను తీసి కొత్తిమీర, పుదీనాల తరుగు, జీడిపప్పు, వేగించిన ఉల్లిపాయ ముక్కలతో అలంకరించాలి.
Step 7
ఈ రొయ్యల బిర్యానీ ఏమీ కలుపుకోకుండా అలానే తిన్నా రుచిగా ఉంటుంది. అలా ఇష్టపడని వాళ్లు మిర్చి కా సలాన్‌ లేదా రైతాలతో బిర్యానీ లాగించేయచ్చు.