Varutharacha sambar recipe

మనం ఎన్ని రకాల భోజనాలు చేసినా గానీ చివర్లో సాంబార్ తో తినకపోతే మాత్రం ఏదో అసంతృప్తి ఉంటుంది. మరి అలాంటి సాంబార్ ను మరింత రుచికరంగా ఎలా తయారుచేసుకోవచ్చో చాలా మందికి తెలియదు. అలాంటి తెలియనివాళ్ల కోసం అద్భుతమైన వరుత్తరాచ సాంబర్ తయారీ విధానం ఇక్కడ ఉంది. తెలుసుకొనితయారుచేసుకోండి.

Prep Time

15 Minutes
Cooking Time

30 Minutes
Servings

3-8

కావాల్సిన పదార్ధాలు

కందిపప్పు - పావు కప్పు
పసుపు - పావు టీ స్పూను
పచ్చిమిర్చి - 4
చిలగడదుంప ముక్కలు - అర కప్పు
ఉల్లి తరుగు - అరకప్పు
మునగకాడ - 1 (పెద్ద సైజు ముక్కలుగా కట్ చేయాలి)
క్యారట్ - 1
బెండకాయ ముక్కలు - అర కప్పు
టొమాటో ముక్కలు - అర కప్పు
వంకాయ - 1
చింతపండు - నిమ్మకాయ సైజు పరిమాణంలో
సాంబారు ఉల్లిపాయలు - 10
కరివేపాకు - నాలుగు రెమ్మలు
కొబ్బరితురుము - అర కప్పు
మెంతుల పొడి - పావు టీ స్పూను
ఇంగువ - పావు టీ స్పూను
ధనియాల పొడి - 2 టేబుల్‌స్పూన్లు
కారం - టీ స్పూను

పోపుకోసం...
ఆవాలు - టీ స్పూను
కొబ్బరినూనె - టేబుల్ స్పూను
మినప్పప్పు - టీ స్పూను
ఎండుమిర్చి - 2
కరివేపాకు - రెండు రెమ్మలు

తయారు చేయు విధానం

Step 1
ఒక గిన్నెలో తగినంత నీరు, ఉప్పు, ఉల్లిపాయలు, పచ్చిమిర్చి, చిలగడదుంప, క్యారట్, కీర, బెండ, వంగ, టొమాటో... ముక్కలు వేసి ఉడికించాలి.
Step 2
కొద్దిగా ఉడికిన తరవాత మునగకాడలు, చింతపండు రసం వేయాలి.
Step 3
కందిపప్పుకి తగినంత నీరు జత చేసి కుకర్‌లో ఉంచి, ఆరు విజిల్స్ వచ్చాక దించేయాలి.
Step 4
బాణలిలో మెంతులపొడి వేసి కొద్దిగా వేయించి, తీసేయాలి.
Step 5
అదే బాణలిలో కొబ్బరి తురుము, కరివేపాకు వేసి గోధుమరంగు వచ్చే వరకు వేయించాలి.
Step 6
ధనియాలపొడి, కారం, ఇంగువ, మెంతులపొడి, పసుపు వేసి బాగా కలపాలి.
Step 7
చల్లారాక మిక్సీలో వేసి మెత్తగా పేస్ట్ చేయాలి.
Step 8
ఉడుకుతున్న కూరముక్కలలో ఈ పేస్ట్ వేసి కలిపి, బాగా మరిగాక దించేయాలి.
Step 9
బాణలిలో నూనె కాగాక ఆవాలు, మినప్పప్పు, ఎండుమిర్చి, కరివేపాకు వేసి వేయించి సాంబార్‌లో వేసి కలపాలి.