fish curry

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఫిష్ కర్రీ ఎలా తయారుచేయాలో ఇక్కడ తెలుసుకోండి.

Prep Time

35 Minutes
Cooking Time

25 Minutes
Servings

2

కావాల్సిన పదార్ధాలు

చేపల ముక్కలు : అర కేజీ
జీలకర్ర - ఒక టీ స్పూన్
ధనియాలు - ఒక టీ స్పూన్
ఎండు మిరపకాయలు - రెండు
కొబ్బరి తురుము - అర కప్పు
మెంతులు - పావు స్పూన్
ఉల్లిపాయలు - అర కప్పు
టమోటాలు - అర కప్పు
చింతపండు గుజ్జు - అర కప్పు
కొత్తిమీర తరుగు - పావు కప్పు
నూనె, ఉప్పు - రుచికి తగినంత
నానబెట్టేందుకు .. పసుపు, కారం, అల్లం వెల్లుల్లి పేస్ట్- తలా అర స్పూన్.. ఉప్పు-తగినంత

తయారు చేయు విధానం

Step 1
ముందుగా ఉప్పు, పసుపు, కారం, వెల్లుల్లి, అల్లం పేస్ట్ శుభ్రం చేసిన చేపల ముక్కలకు పట్టించి 20 నిమిషాలు పక్కన వుంచుకోవాలి.
Step 2
మూకుడులో రెండు టేబుల్ స్పూన్లు నూనె వేడిచేసి, జీలకర్ర, ధనియాలు, ఎండు మిరపకాయలు, కొబ్బరి తురుము ఒక్కొక్కటిగా వేసి వేయించాలి.
Step 3
వీటిని కప్పు నీరు పోసి రుబ్బుకోవాలి.
Step 4
మూకుడులో మిగతా నూనె వేసి కరివేపాకు, మెంతులు వేసి తాలింపు పెట్టి ఉల్లిపాయలు కలిపి బ్రౌన్ కలర్ వచ్చేంతవరకు వేయించాలి.
Step 5
టమేటో ముక్కలు వేసి మెత్తబడే వరకు ఉడికించి, రుబ్బుకున్న పేస్ట్, అరకప్పు నీరు, చింతపండు గుజ్జు, ఉప్పు కలిపి ఉడికించాలి.
Step 6
తర్వాత చేపల ముక్కలు వేసి మెత్తబడేవరకు సుమారు ఐదు నిమిషాలు ఉడికించి కొబ్బరిపాలు పోయాలి.
Step 7
మరో రెండు నిమిషాలు ఉడికించి కొత్తిమీరతో గార్నిష్ చేసి.. వేడి వేడి రైస్‌తో కలుపుకుని తింటే రుచిగా ఉంటుంది.