bread vada

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే బ్రెడ్‌ వడ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

15 Minutes
Servings

2

కావాల్సిన పదార్ధాలు

బ్రెడ్‌స్లైసులు - ఎనిమిది,
నూనె - వేయించేందుకు సరిపడా,
కొబ్బరితురుము - మూడు టేబుల్‌స్పూన్లు,
ఉప్పు - తగినంత,
అల్లం, పచ్చిమిర్చి తరుగు - రెండు చెంచాలు,
బాదం పలుకులు - రెండు చెంచాలు,
పెరుగు - ఒకటిన్నర కప్పు, తీపి చట్నీ - పావుకప్పు,
కారం - అరచెంచా,
కొత్తిమీర తరుగు - పావుకప్పు.
తీపి చట్నీ కోసం:
ఖర్జూరాలు - పన్నెండు, చింతపండు గుజ్జు - పెద్ద చెంచా,
బెల్లం - చిన్న ముక్క,
కారం - ముప్పావుచెంచా,
చాట్‌మసాలా - అరచెంచా,
జీలకర్రపొడి - చెంచా,
ఉప్పు - తగినంత.

తయారు చేయు విధానం

Step 1
ముందుగా తీపి చట్నీ తయారు చేసుకోవాలి. ఖర్జూరాల్లో గింజలు తీసేసి ముక్కల్లా కోయాలి. ఈ ముక్కలకు చింతపండు గుజ్జు కలిపి మెత్తగా ఉడికించుకోవాలి. ఈ గుజ్జులో మిగిలిన పదార్థాలన్నీ వేసి మిక్సీలో మెత్తగా చేసుకోవాలి.
Step 2
దీన్ని మళ్లీ పొయ్యిమీద పెట్టి.. దగ్గరకు అయ్యాక దింపేయాలి. ఇప్పుడు ఓ గిన్నెలో కొబ్బరి తురుమూ, కొద్దిగా ఉప్పూ, పచ్చిమిర్చీ, అల్లం తరుగూ, బాదం పలుకులు తీసుకుని అన్నింటినీ కలిపి పెట్టుకోవాలి. బ్రెడ్‌ స్లైసుల్ని గుండ్రంగా కత్తిరించుకోవాలి.
Step 3
ఒకదానిలో ఒకటిన్నర చెంచా కొబ్బరి మిశ్రమాన్ని ఉంచి.. అర్థచంద్రాకారంలో వచ్చేలా తడి చేత్తో అంచుల్ని మూసేయాలి. ఇలానే మిగిలినవీ చేసుకోవాలి. ఇలా చేసుకున్న వాటిని కాగుతోన్న నూనెలో వేసి వేయించి తీసుకోవాలి. వీటిని ఓ వెడల్పాటి పళ్లెంలో సర్దుకోవాలి.
Step 4
ఓ గిన్నెలో పెరుగూ, కారం, కొద్దిగా ఉప్పు కలిపి బాగా గిలకొట్టాలి. దీన్ని బ్రెడ్‌స్లైసులపై వేసి.. పైన తీపి చట్నీ కొద్దికొద్దిగా వేయాలి. చివరగా కొత్తిమీర అలంకరిస్తే సరిపోతుంది.