chicken rolls

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చికెన్ రోల్స్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

20 Minutes
Servings

4

కావాల్సిన పదార్ధాలు

చికెన్ - అర కిలో,
మైదా పిండి - అరకిలో,
ఉల్లిపాయ ముక్కలు - ఒక కప్పు,
పచ్చిమిరపకాయలు - నాలుగు,
అల్లంవెల్లుల్లి ముద్ద - రెండు టీ స్పూన్లు,
గరం మసాలా - అర టీ స్పూను,
పసుపు - చిటికెడు,
ఉప్పు - తగినంత, కొత్తిమీర తురుము - అర కప్పు,
నూనె - సరిపడా.

తయారు చేయు విధానం

Step 1
పొయ్యి మీద మందపాటి గిన్నె పెట్టి సరిపడా నూనె పోసి కాగాక అల్లంవెల్లుల్లి ముద్ద, పచ్చిమిరపకాయ ముక్కలు, ఉల్లిపాయ ముక్కలు వేసి వేగించాలి.
Step 2
తరువాత ఉప్పు, పసుపు, గరం మసాలా వేసి కలపాలి.
Step 3
ఉల్లిపాయ ముక్కలు వేగిన తర్వాత సన్నగా కట్ చేసిన చికెన్ వేసి సన్నని మంటపై వేగించాలి. చివర్లో కొత్తిమీర తురుము వేసి బాగా కలిపి దించేయాలి.
Step 4
మైదా పిండిలో కొద్దిగా ఉప్పు, ఒక టేబుల్ స్పూను నూనె, కొద్దిగా నీళ్లు పోసి చపాతి పిండిలా కలుపుకుని చపాతీలు చేసుకోవాలి.
Step 5
చపాతి మధ్యలో ఒక టేబుల్ స్పూను చికెన్ వేపుడు పెట్టి నాలుగు వైపులా మడత వేసి గొట్టంలా చుట్టుకోవాలి.
Step 6
మడత ఊడిపోకుండా ఉండడానికి జారుగా కలుపుకున్న మైదా పిండిని మడత దగ్గర పూయాలి.
Step 7
ఈ రోల్స్‌ని నూనెలో వేగించుకోవాలి. చికెన్‌రోల్స్ రెడీ అయినట్టే.