Aakukurala Pulusu Recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఆకు కూరలపులుసు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

4

కావాల్సిన పదార్ధాలు

పాలకూర -1 కట్ట
కొయ్య తోట కూర -1 కట్ట
మెంతి కూర -1 కట్ట
పెరుగు తోట కూర -1 కట్ట
గోంగూర -1
కట్ట కొత్తిమీర -1 కట్ట
కారం - 1 టేబుల్ స్పూన్
ఉప్పు -రుచికి సరిపడా
పసుపు - 1 టీ స్పూన్
పోపు కోసం:
నూనె -2 టేబుల్ స్పూన్లు
ఉల్లిపాయ - 1 (ముక్కలు )
కరివేపాకు - ౩ రెమ్మలు
తాలింపు గింజలు - 1 టేబుల్ స్పూన్
వెల్లులి రెబ్బలు - 6
ఎండు మిర్చి - 2

తయారు చేయు విధానం

Step 1
ఆకు కూరలన్నీ విడి విడిగా, సన్నగా తరిగి పెట్టాలి.
Step 2
కుక్కర్ లో 1 కప్పు నీళ్ళు పోసి ,తరిగిపెట్టిన ఆకుకూరలు , పసుపు , కారం , ఉల్లిపాయలు ముక్కలు, 2 వెల్లులి రెబ్బలు వేసి ,కుక్కర్ మూత పెట్టి , ౩ విజిల్స్ వచ్చే దాకా ఉడికించాలి.
Step 3
ఉడికిన ఆకుకూరల్ని తగినంత ఉప్పు వేసి మెత్తగా మెదపాలి.
Step 4
బాండిలో నూనె వేసి కాగాక తాలింపు గింజలు వేసి , వేగగానే సన్నగా తరిగిన ఉల్లిపాయ ముక్కలు, చితక్కొట్టిన వెల్లుల్లి రెబ్బలు ఎండుమిర్చి ముక్కలు, కరివేపాకు, కొంచెం కొత్తిమీర వరసగా వేస్తూ తాలింపు తయారు చేయాలి.
Step 5
ఈ తాలింపుని మెత్తగా మెదిపి పెట్టిన ఆకుకూరలు పులుసులో వేసి బాగా కలిపి , కొంచెం కొత్తిమీర చల్లాలి.
Step 6
మూతపెట్టి 5 నిముషాలు అలాగే ఉంచితే తాలింపులో ఆకుకూరల పులుసు బాగా మగ్గుతుంది .ఈ కూర అన్నంలో ,చపాతీ , రోటిల్లో చాలా బాగుంటుంది.