kadai paneer recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కడై పనీర్ ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

25 Minutes
Servings

1-2

కావాల్సిన పదార్ధాలు

పనీర్- 100 గ్రా. (ముక్కలుగా కట్ చేయాలి)
క్యాప్సికమ్ ముక్కలు - పావు కప్పు
ఉల్లి తరుగు - పావు కప్పు
ఉల్లిముక్కలు - అర కప్పు (పెద్దవిగా తరగాలి)
టొమాటో తరుగు - అర కప్పు
పసుపు - చిటికెడు, మిరప్పొడి - టీ స్పూను
కొత్తిమీర - కట్ట, పచ్చిమిర్చి - 5
మిరియాలపొడి - అర టీ స్పూను
గరంమసాలా - అర టీ స్పూను
ఉప్పు - తగినంత, నల్ల ఉప్పు - చిటికెడు
అల్లం వెల్లుల్లి పేస్ట్ - టీ స్పూను
షాజీరా - పావు టీ స్పూను
డ్రై ఫ్రూట్ గ్రేవీ కోసం
పల్లీలు - 10 గ్రా.
జీడిపప్పు - నాలుగైదు పలుకులు
కర్బూజా గింజలు - 10 గ్రా.
బాదంపప్పు - 10 గ్రా., నూనె - 5 గ్రా.
(డ్రైఫ్రూట్స్‌ని వేయించి చల్లారాక కొద్దిగా నీరు కలిపి మిక్సీలో వేసి పేస్ట్‌లా చేసుకోవాలి)

తయారు చేయు విధానం

Step 1
బాణలిలో నూనె కాగాక, షాజీరా, ఎండుమిర్చి, ఉల్లి తరుగు వేసి దోరగా వే గాక, అల్లం వెల్లుల్లి పేస్ట్ వేసి వేయించాలి.
Step 2
టొమాటో తరుగు, మిగిలిన సరుకులను వేసి మరోమారు వేయించి, నూనె పైకి తేలుతున్నప్పుడు ఉల్లిపాయ ముక్కలు, క్యాప్సికమ్ ముక్కలు వేసి కలపాలి.
Step 3
బాగా వేగిన తరవాత పనీర్ ముక్కలు, డ్రై ఫ్రూట్ గ్రేవీ పేస్ట్ వేసి కలిపి, ఐదు నిముషాలు ఉడికించాలి.
Step 4
కడాయిలోకి తీసుకుని కొత్తిమీరతో గార్నిష్‌చేసి సర్వ్ చేయాలి.