chikkudu pachadi recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయేచిక్కుడు పచ్చడి ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

15 Minutes
Servings

1-4

కావాల్సిన పదార్ధాలు

చిక్కుడు కాయలు - పావు కిలో,
మెంతిపిండి - ఒక టేబుల్‌ స్పూన్‌,
పసుపు - పావు టేబుల్‌ స్పూన్‌,
వెల్లుల్లి పాయలు - మూడు,
ఉప్పు, కారం - ఒక్కోటి నాలుగు టేబుల్‌ స్పూన్ల చొప్పున,
నూనె - సరిపడా,
నిమ్మకాయలు - రెండు,
పోపు గింజలు - ఒక టేబుల్‌ స్పూన్‌,
ఆవాలు - అరటేబుల్‌ స్పూన్‌,
జీలకర్ర - ఒక టేబుల్‌ స్పూన్‌,
కరివేపాకులు - రెండు రెమ్మలు.

తయారు చేయు విధానం

Step 1
చిక్కుడు కాయల్ని శుభ్రం చేసి కోసి ఆరబెట్టాలి. చిక్కుడు కాయలు ఆరాక అవి కొద్దిగా మెత్తబడేవరకు నూనెలో వేగించాలి.
Step 2
అవి మెత్తబడ్డాక ఉప్పు, కారం, వెల్లుల్లి రెబ్బలు, పసుపు, మెంతిపొడి వేసి బాగా కలపాలి.
Step 3
తరువాత ఒక గిన్నె తీసుకుని అందులో కొంచెం నూనె పోసి వేడిచేయాలి. ఇందులో పోపుగింజలు, ఆవాలు, జీలకర్ర, కరివేపాకు రెబ్బలు వేసి 30 సెకన్లు వేగించాలి.
Step 4
దీన్ని చిక్కుడుకాయల మిశ్రమంలో వేసి కలిపితే చిక్కుడుకాయ పచ్చడి రెడీ. ఈ పచ్చడి చేసేటప్పుడు నీరు లేకుండా చూసుకోవాలి.
Step 5
అలాగైతేనే పచ్చడి పాడు కాకుండా ఉంటుంది. అన్నంతో కలిపి తింటే బాగుంటుంది. ఇందులో ఉండే ప్రొటీన్‌, పీచు పదార్ధాలు మనల్ని బలంగా ఉంచుతాయి.