ravva pulihorra recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రవ్వ పులిహోర ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

15 Minutes
Servings

1-3

కావాల్సిన పదార్ధాలు

బియ్యపు రవ్వ – నాలుగు కప్పులు
శనగపప్పు – చిన్న కప్పు
మినపపప్పు – చిన్న కప్పు
ఆవాలు – కొద్దిగా ,
ఇంగువ – చిటికెడు
వేరుశనగలు – ఒక కప్పు
ఎండు మిర్చి – ఎనిమిది
పచ్చిమిర్చి – పది
కరివేపాకు – ఐదు రెబ్బలు
చింతపండు – తగినంత
పసుపు – ఒక స్పూను
ఉప్పు, నూనె – తగినంత.

తయారు చేయు విధానం

Step 1
ముందుగా ఒక గిన్నెలో నీళ్ళు ఎసరు పెట్టి, దానిలో బియ్యపు రవ్వ కలిపి పొడిపొడిగా ఉడికాక స్టౌ మీద నుంచి కిందికి దించుకోవాలి.
Step 2
తరువాత రెండు స్పూన్లు నూనె పైన పోసి, మూతపెట్టి ఉమ్మగిల్లే వరకు ఉంచాలి.
Step 3
అలాగే దీన్ని ఒక వెడల్పు పళ్లెంలో తీసి చల్లార్చాలి. ఈ మిశ్రమం పొడిగా ఉండేలా చేతితో చిదపాలి.
Step 4
ఇప్పుడు ఒక కళాయిలో నూనె పోసి కాగిన తరువాత ఆవాలు, వేరుశనగలు, శనగపప్పు, మినపపప్పు, కరివేపాకు, పసుపు, ఇంగువ, తగినంత ఉప్పు వేసుకోవాలి.
Step 5
తర్వాత అందులో చింతపండు గుజ్జు పిండి ఉడికించాలి.
Step 6
ఈ మిశ్రమాన్ని పళ్లెంలో చల్లార్చిన రవ్వ పిండిలో కలుపుకోవాలి.
Step 7
అంతే ఎంతగానో ఊరించే రవ్వ పులిహోర రెడీ. ఇందులో నిమ్మకాయ పిండుకుని తింటే అదుర్స్.