Royyala pulusu recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రొయ్యల పులుసు ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

20 Minutes
Servings

1-5

కావాల్సిన పదార్ధాలు

రొయ్యలు - 250 గ్రా.
ఉల్లిపాయలు - రెండు (పెద్దవి )
అల్లం - చిన్న ముక్క
వెల్లుల్లి - రెండు పాయలు
టమోటా - 150 గ్రా.
బంగాళాదుంప - 1 పెద్దది
పచ్చిమిరపకాయలు - 2
నూనె - 150 గ్రా.
కారం పొడి - 3 టీ స్పూన్లు
పసుపు - చిటికెడు
కరివేపాకు - 5 రెమ్మలు
కొత్తిమీర - కొంచెం
ఉప్పు - తగినంత

తయారు చేయు విధానం

Step 1
మొదట రొయ్యలను శుభ్రం చేసుకోవాలి.
Step 2
అల్లం, వెల్లుల్లి పేస్ట్ లా చేసుకోవాలి. అదే విధంగా టమోటాలు, ఉల్లిపాయ, బంగాళాదుంపను (చెక్కు తీసి) చిన్న ముక్కలుగా కట్ చేసుకోవాలి.
Step 3
తర్వాత స్టవ్ మీద బాణలి పెట్టి నూనె వేసుకోవాలి. నూనె కాగిన తర్వాత కరివేపాకు, కొత్తిమీర, పచ్చిమిరపకాయలు (మధ్యలో చీల్చి) వేసి వేయించుకోవాలి.
Step 4
ఉల్లిపాయ ముక్కలను వేసి బంగారు రంగులోకి వచ్చేవరకు వేయించుకోవాలి.
Step 5
అందులో అల్లం, వెల్లుల్లి పేస్ట్ కలిపి ఐదు నిముషాలు ఉడికించాలి.
Step 6
తర్వాత రొయ్యలు వేయాలి. అనంతరం చిటికెడు పసుపు వేసి మూతపెట్టి ఐదు నిముషాలు ఉడికించాలి.
Step 7
అలాగే టమోటా, బంగాళాదుంప ముక్కలు, కారం పొడి, ఉప్పు వేసి మరో పది నిముషాలు మూత పెట్టి ఉడికించాలి.
Step 8
కాసేపయ్యాక కొంచెం నీళ్ళు పోసి, ఈ మిశ్రమం దగ్గరకు అయ్యేవరకు ఐదు నిముషాలు సిమ్ లో ఉడికించి దించేయాలి.