Capsicum paneer korma recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే క్యాప్సికం పన్నీర్ కుర్మా ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

25 Minutes
Servings

1-4

కావాల్సిన పదార్ధాలు

క్యాప్సికం - 400 గ్రా.
పన్నీర్ - 50 గ్రా.
తెల్ల నువ్వులు - 2 టీస్పూన్లు
ఉల్లిపాయలు - 4 (పెద్దవి)
అల్లం వెల్లుల్లి ముద్ద - 2 టీస్పూన్లు
పసుపు - 3 చిటికెలు
చింతపండు - నిమ్మకాయంత ఉండ
లవంగాలు - 3
యాలకులు - 3
దాల్చిన చెక్క - కొంచెం
సోంపు - అరటీస్పూన్
జీలకర్ర - టీస్పూన్
కొత్తిమీర - కొంచెం
పుదీనా - కొంచెం
కరివేపాకు - కొంచెం
కారం - రెండున్నర టేబుల్ స్పూన్లు
ధనియాల పొడి - 2 టీస్పూన్లు
నూనె - 200 గ్రా.
ఉప్పు - రుచికి సరిపడా
వేరుసెనగ పప్పు - కప్పు

తయారు చేయు విధానం

Step 1
మొదట క్యాప్సికం, ఉల్లిపాయలు ముక్కలుగా చేసి ఉంచుకోవాలి.
Step 2
బాణలిలో తెల్ల నువ్వులు, వేరుసెనగ పప్పులు వేసి నూనె లేకుండా వేయించి పక్కన పెట్టుకోవాలి.
Step 3
తర్వాత అదే బాణలిలో కొంచెం నూనె వేసి ఉల్లిపాయ ముక్కలను, పన్నీర్ ను విడివిడిగా వేయించుకోవాలి.
Step 4
ఇప్పుడు వేయించి పెట్టుకున్న ఉల్లిపాయ ముక్కలు, తెల్ల నువ్వులు, వేరుసెనగ పప్పులు, చింతపండు, పుదీనా, కరివేపాకు, ఉప్పును మిక్సీలో వేసి రుబ్బుకోవాలి.
Step 5
బాణలిలో నూనె వేసి యాలకులు, లవంగాలు, దాల్చిన చెక్క, సోంపు, అల్లం వెల్లుల్లి పేస్ట్ వేయాలి.
Step 6
తర్వాత క్యాప్సికం ముక్కలు, వేరుసెనగ పప్పులతో చేసిన మిశ్రమం చేర్చి బాగా చిక్కబడే వరకు నూనెలోనే మగ్గనివ్వాలి.
Step 7
అనంతరం కారం పొడి, ధనియాల పొడి వేసి కలిపి కొంచెం నీళ్ళు చల్లి పది నిముషాలు ఉడికించాలి.
Step 8
చివరగా వేయించి పెట్టుకున్న పన్నీర్ ముక్కలను గ్రేవీలో వేసి రెండు నిముషాలు ఉడికించాలి.
Step 9
అంతే ఘుమఘుమలాడే క్యాప్సికం పన్నీర్ కుర్మా రెడీ. దీనిని అన్నం లేదా చపాతితో ఆరగించవచ్చు.