pudina pachadi recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే పుదీనా పచ్చడి ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

2-4

కావాల్సిన పదార్ధాలు

పుదీనా ఆకు 4 కప్పులు
చింత పండు కొద్దిగా
బెల్లం కొద్దిగా
పసుపు
ఉప్పు రుచికి సరిపడా
పోపు దినుసులు:
సెనగపప్పు 1స్పూన్
మినపప్పు 1 స్పూన్
ఆవాలు అర స్పూన్
ధనియాలు 1 స్పూన్
మెంతులు కొద్దిగా
ఎండుమిరపకాయలు 8
ఇంగువ కొద్దిగా
ఆయిల్ 6 స్పూన్స్
వెల్లుల్లి రెబ్బలు 5

తయారు చేయు విధానం

Step 1
ముందుగా పుదీనా ఆకులను శుభ్రంగా కడిగి ఆరబెట్టుకోవాలి . చింతపండును కొద్దిగా నీళ్లు నానబెట్టుకోవాలి.
Step 2
స్టవ్ వెలిగించి బాణలి పెట్టి వేడెక్కాక పైన చెప్పిన పోపు దినుసులను వేసి దోరగా వేపుకోవాలి వీటిని ఒకప్లేట్ లోకి తీసుకోవాలి
Step 3
అదే బాణలి లో 2 స్పూన్స్ ఆయిల్ వేసి ఆర బెట్టుకున్న పుదీనా ఆకును , పసుపు చింతపండును వేసి బాగా మగ్గనివ్వాలి
Step 4
పోపు దినుసులు బాగా చల్లారిన తరువాత మెత్తగా గ్రైండ్ చేసుకుని దాంట్లో ముందుగా మగ్గా బెట్టుకున్న పుదీనా చింతపండు మిశ్రమం , ఉప్పుబెల్లం వేసి మెత్తగా గ్రైండ్ చేసుకోవాలి స్టవ్ వెలిగించి బాణలి పెట్టి 3 స్పూన్స్ ఆయిల్ వేసి వేడెక్కాక వెల్లుల్లి రెబ్బలు వేసి కాసేపు కాగనిచ్చి తయారుచేసుకున్న పచ్చడినివేసి బాగా కలిపి స్టవ్ ఆఫ్ చేసుకుంటె ఘుమఘుమ లాడే పుదీనా పచ్చడి రెడీ. దీనిని అన్నం లోకి ఇడ్లీ లోకి దోసెలలోను చపాతీలలోను బాగుంటుంది.