mango sambar

వేసవిలో మామిడికాయలు ఎక్కువగా మనకు అందుబాటులో ఉంటాయి. వీటితో సాంబార్ చేస్తే
చాలా రుచికరంగా ఉంటుంది. ఈ మామిడికాయ సాంబార్ సౌత్ ఇండియన్ స్పెషల్ .
మామిడికాయతో వివిధ రకాల వంటలు వండుతారు. అలాగే సాంబార్ కూడా.
పచ్చిమామిడికాయ సాంబార్ ఇతర సాంబార్ల కంటే డిఫరెంట్ గా ఉంటుంది. మరి ఈ సమ్మర్
స్పెషల్ టేస్టీ మ్యాంగో సాంబార్ ఎలా తయారుచేయాలో చూద్దాం.

Prep Time

10 Minutes
Cooking Time

30 Minutes
Servings

Null

కావాల్సిన పదార్ధాలు

1 కప్పు కందిపప్పు
1 మామిడికాయ
కొద్దిగ చింతపండు
2 టేబుల్ స్పూన్ సాంబార్ మసాల
1 టేబుల్ స్పూన్ ధనియాల పొడి
1 టేబుల్ స్పూన్ కారం
1 టేబుల్ స్పూన్ జీలకర్ర
1 టేబుల్ స్పూన్ ఆవాలు
3 ఎండుమిర్చి
2 రెమ్మలు కర్వేపాకు
2 ఉల్లిపాయలు
అర కప్పు సొరకాయ, దోసకాయ ముక్కలు
1 టమాట
1 టేబుల్ స్పూన్ కొత్తిమీర తరుగు
తగినంత ఉప్పు
3 వెల్లుల్లి రెబ్బలు
తగినంత నూనె

తయారు చేయు విధానం

Step 1
కుక్కర్ లో కందిపప్పు, టమాట, కొన్ని ఉల్లిపాయముక్కలు , పసుపు వేసి ఉడికించుకోవాలి.
Step 2
గిన్నెలో నూనె వేసి అది వేడి అయిన తరువాత ఆవాలు, జీలకర్ర, ఎండుమిర్చి, కర్వేపాకు, వేసి వేయించుకోవాలి. ఇందులో ఉల్లిముక్కలు, దోసముక్కలు, సొరకాయముక్కలు, మామిడికాయ ముక్కలు, టమాట, ఉప్పు వేసి 3 నిమిషాల పాట వేయించాలి.
Step 3
ఇందులో చింతపండు గుజ్జు వేసి మరో 2 నిమిషాలు వేయించాలి.
Step 4
ముక్కలు వేగిన తరువాత ముందుగా ఉడికించుకున్న పప్పును వేసి సరిపడా నీళ్ళు పోసి 10 నిమిషాలు ఉడికించాలి. చివరగా కొత్తిమీర వేసి సర్వ్ చేయాలి. రుచికరమైన మామిడి కాయ సాంబార్ రెడి