Egg less Cake recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఎగ్ లెస్ కేక్ ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

45 Minutes
Servings

2-5

కావాల్సిన పదార్ధాలు

మైదా: 1 కప్పు
కండెన్స్డ్ మిల్క్: ½ కప్పు
పంచదార పౌడర్: ¼ కప్పు
జీడిపప్పు: 25 గ్రామ్స్
కిస్మిస్ : 10
బేకింగ్ సోడా: ¼ చెంచా
బేకింగ్ పౌడర్: ½ చెంచా
బట్టర్: ¼ కప్పు
పాలు: ½ కప్పు
ఉప్పు: చిటికెడు
వెనిలా ఎసెన్స్: 4 డ్రాప్స్

తయారు చేయు విధానం

Step 1
ముందుగా మైదా, బేకింగ్ పౌడర్, బేకింగ్ సోడా, సాల్ట్ లను బాగా మిక్స్ చేసి జల్లించి పక్కన పెట్టుకోవాలి.
Step 2
తర్వాత ఇందులో పంచదార పొడి మరియు బట్టర్ రెండూ వేసి బట్టర్ స్మూత్ గా అయ్యే వరకూ మిక్స్ చేయాలి . ఇందులోనే కండెన్డ్ మిల్క్ కూడా వేసి మొత్తం మిశ్రమాన్ని బాగా కలగలుపుకోవాలి. పాలు కూడా పోసి మొత్తం మిశ్రమం స్మూత్ గా అయ్యే వరకూ మిక్స్ చేసుకోవాలి.
Step 3
కేక్ మేకర్ తీసుకొని గిన్ని మొత్తం బట్టర్ రాయాలి, దాని మీద ఒక టేబుల్ స్పూన్ మైదాను చిలకరించాలి
Step 4
ఇప్పుడు పిండి మిశ్రమంలో జీడిపప్పు మరియు కిస్మిస్, వెనిలా ఎసెన్స్ వేసి మొత్తం మిశ్రమాన్ని మరోసారి మిక్స్ చేసి బేకింగ్ బౌల్లో వేసుకోవాలి .
Step 5
ఇప్పుడు స్టవ్ ఆన్ చేసి తక్కువ మంట మీద 45 నిముషాలు ఉడికించుకోవాలి. 45 నిముషాల తర్వాత మూత తీసి బేకింగ్ బౌల్లో కేక్ మొత్తం, అన్ని వైపులా బ్రౌన్ కలర్ లోకి మారిందో లేదో సరిచూసుకోవాలి.
Step 6
తర్వాత చాకును కేకు లోపలికి గుచ్చి చూడాలి. పైకి తీసినప్పుడు , సులువగా చాకు బయటకు వస్తే కేక్ తయారైనట్లే. అలా కాకుంటే మరో 10నిముషాలు తక్కువ మంట మీద తిరిగి ఉడికించు కోవాలి . తర్వాత స్టౌ ఆఫ్ చేసి, చల్లారనివ్వాలి.
Step 7
చల్లారిన తర్వాత బేకింగ్ బౌల్ ను ఒక సర్వింగ్ ప్లేట్ మీద బోర్లించి కేక్ ను జాగ్రత్తగా తీసుకోవాలి . కేక్ మొత్తం బయటకు తీసుకొన్న తర్వాత మనకు నచ్చిన ఆకారం లో కట్ చేసుకోవాలి. అంతే అందరూ ఎంతో ఇష్టంగా తినే ఎగ్ లెస్ కేక్ రెడీ…