semiya chicken biryani

+ Write a Review

రుచికరమైన సేమియా చికెన్‌ బిర్యానీ తయారీ విధానం గురించి తెలుసుకొోండి.

Prep Time

20 Minutes
Cooking Time

45 Minutes
Servings

3-4

కావాల్సిన పదార్ధాలు

సేమియా - అర కేజి,
నిమ్మకాయ -1
చికెన్‌ - అర కేజి,
పచ్చిమిర్చి -10గ్రా,
దాల్చిన చెక్క- 1
లవంగాలు - 6
ఉల్లిపాయలు - 2
నూనె - తగినంత,
కొత్తిమీర -6 రెబ్బలు,
అల్లంవెల్లుల్లి ముద్ద- 20గ్రా,
ఉప్పు -తగినంత,
బిర్యానీ ఆకు - 10గ్రా,
యాలకులు - 2
జీడిపప్పు - 200గ్రా,

తయారు చేయు విధానం

Step 1
ముందుగా స్టవ్‌పై గిన్నె ఉంచి అందులో నాలుగు గ్లాసుల నీళ్ళు పోయాలి. అందులో సేమియా వేసి, ఒక స్పూను నిమ్మరసం, ఒక స్పూను నూనె వేసి అయిదు నిమిషాలు ఉంచి దించేయాలి.
Step 2
తడి బట్ట తీసుకుని ఉడికిన సేమియాను అందులో వేసి వడగట్టాలి. నీరంతా పోయిన తర్వాత సేమియాను ఒక ప్లేటులోకి తీసి పెట్టుకోవాలి.
Step 3
మళ్ళీ స్టవ్‌పై మరో గిన్నె ఉంచి, కొద్దిగా నూనె వేసి, శుభ్రంగా కడిగి ఉంచుకున్న చికెన్‌ ముక్కలను అందులో వేసి చిన్న మంటపై అయిదు నిమిషాలు ఉడికించాలి.
Step 4
లవంగాలు, దాల్చిన చెక్క, యాలకులు, పసుపు అన్ని కలిపి మిక్సీలో వేసి పొడి చేసి పెట్టుకోవాలి. ఈ పొడి చికెన్‌పై చల్లి, అల్లంవెల్లుల్లి ముద్ద కూడా అందులో వేసి బాగా కలపాలి.
Step 5
చిన్న మంటపై మరో అయిదు నిమిషాలు చికెన్‌ను ఉడికించి, ఆపైన సేమియా కూడా వేసి మళ్ళీ బాగా కలపాలి. ఇప్పుడు దీనికి తగినంత ఉప్పు, కొత్తిమీర ఆకులు, బిర్యానీ ఆకు, జీడిపప్పు వేసి బాగా కలిపి దించేయాలి. అంతే- సేమియా చికెన్‌ బిర్యానీ రెడీ అయినట్లే.