Paneer Capsicum Masala Recipe

పన్నీర్ అంటే పడిపచ్చేవాళ్లు చాలా మందే ఉంటారు. అలాంటి వాళ్లకు పనీర్ మసాలా, పాలక్ పనీర్ తినితినీ బోర్ కొట్టిఉంటుంది. అలాంటి వారి కోసం పన్నీర్ క్యాప్సికం మసాలా తయారీ విధానం గురించి తెలుసుకుందాం.

Prep Time

15 Minutes
Cooking Time

25 Minutes
Servings

3

కావాల్సిన పదార్ధాలు

పన్నీర్ - 30గ్రా
గ్రీన్ క్యాప్సికం - 1,
రెడ్ క్యాప్సికం - 1,
యెల్లో క్యాప్సికం - 1,
జీడిపప్పు -10,
అల్లం - చిన్న ముక్క,
టమాటా ప్యూరీ - ఒక కప్పు,
జీలకర్ర - ఒక టీ స్పూన్,
కారం - ఒక టీ స్పూన్,
పసుపు - అర టీ స్పూన్,
ధనియాల పొడి - ఒక టీ స్పూన్,
గరం మసాలా పౌడర్ - అర టీ స్పూన్,
నూనె, ఉప్పు - తగినంత

తయారు చేయు విధానం

Step 1
పన్నీర్‌ని చిన్న ముక్కలుగా కట్ చేయాలి.
Step 2
పెనం పెట్టి నూనె లేకుండా పన్నీర్‌ని గోల్డెన్ బ్రౌన్ కలర్ వచ్చేవరకు వేయించాలి. ఈ ముక్కలను ఉప్పు వేసి వేడి నీటిలో 15నిమిషాల పాటు నాననివ్వాలి. ఇలా చేయడం వల్ల ముక్కలు మెత్తగా అవుతాయి.
Step 3
మూడు రంగుల క్యాప్సికాలను కూడా చిన్న ముక్కలుగా కట్ చేయాలి.
Step 4
ఇప్పుడు కడాయిలో నూనె పోసి జీలకర్ర, అల్లం, పసుపు, ధనియాల పొడి, కారం, గరం మసాలా వేసి బాగా మిక్స్ చేయాలి. దీంట్లో టమాటా ప్యూరీ వేసి సన్నని మంట మీద 5 నిమిషాలు ఉడకనివ్వాలి.
Step 5
కొన్ని నీళ్లు పోసి, ఉప్పు వేసి పదినిమిషాలు అలాగే ఉంచాలి. దీంట్లో పన్నీరు ముక్కలు, క్యాప్సికం ముక్కలు వేసి కలిపి మూత పెట్టేయాలి.
Step 6
మరో ఐదు నిమిషాల పాటు అలాగే ఉడకనివ్వాలి. చివరగా జీడిపప్పులను వేసి దించేయాలి.