gongura paneer curry recipe

తెలుగు వారి వంటకాల్లో అందరికి బాగా పరిచయం ఉన్నది మాత్రం గోంగూరతోనే. గోంగూరలో ఎన్నివెరైటీలు ఉన్నా కానీ మనకుఅన్నీనచ్చేస్తుంటాయి. మరి అలాంటి గోంగూరతో పన్నీర్ కర్రీ చేసుకుంటే ఎలా ఉంటుంది. మరి ఆలస్యం ఎందుకు గోంగూర పన్నీర్ కర్రీ రెసిపీ తెలుసుకోండి.

Prep Time

15 Minutes
Cooking Time

30 Minutes
Servings

3

కావాల్సిన పదార్ధాలు

గోంగూర- ఒక కట్ట
పనీర్‌- 100 గ్రా
నూనె- రెండు టేబుల్‌ స్పూన్లు
ఉల్లిపాయలు- రెండు (తరిగినవి)
అల్లంవెల్లుల్లి ముద్ద- ఒక టేబుల్‌ స్పూను
పచ్చిమిర్చి- ఆరు
జీలకర్ర- ఒక టీ స్పూను
కారం- ఒక టీ స్పూను
పసుపు- అర టీ స్పూను
ధనియాల పొడి- రెండు టీ స్పూన్లు
కరివేపాకు- కొద్దిగా
గరం మసాలా- అర టీ స్పూను
ఉప్పు- తగినంత

తయారు చేయు విధానం

Step 1
బాణలిలో ఒక టేబుల్‌ స్పూన్‌ నూనె వేసి పనీర్‌ ముక్కలను వేగించి పక్కన పెట్టుకోవాలి.
Step 2
తర్వాత అదే బాణలిలో అల్లంవెల్లుల్లి, ఉల్లిపాయలు, పచ్చిమిర్చి, కొద్దిగా ఉప్పు వేసి రెండు నిమిషాలు వేగించాలి.
Step 3
తర్వాత గోంగూర వేసి చిన్నమంట మీద మూతపెట్టి ఉడికించి మెత్తగా రుబ్బుకోవాలి.
Step 4
ఆ తర్వాత బాణలిలో మిగిలిన నూనె వేసి వేడెక్కాక జీలకర్ర, కరివేపాకు, పసుపు వేసి వేగించాలి. తర్వాత గోంగూర, కారం, ధనియాల పొడి, గరంమసాలా, ఉప్పు వేసి కొద్దిగా నీళ్లు పోసి రెండు నిమిషాలు ఉడికించాలి.
Step 5
చివరగా పనీర్‌ ముక్కలను వేసి బాగా కలిపి నిమిషం పాటు ఉడికించి దింపేయాలి.