sweet corn omelet recipe

ఆమ్లెట్ అంటే గుడ్డుతో మాత్రమే చేసుకుంటే ఎలా. ఇంకా బోల్డన్ని వెరైటీ ఆమ్లేట్స్ ఉన్నాయ్. బ్రెడ్ ఆమ్లెట్, చికెన్ ఆమ్లెట్, ఇంకా పలు రకాల పిండిలతో వేసుకునే అట్లకు కూడా ఆమ్లెట్ వేసుకోవచ్చు. అందులో ఓ వెరైటియే స్వీట్ కార్న్ ఆమ్లెట్. అది ఎలా చెయ్యాలో ఇప్పుడు చూద్దాం.

Prep Time

10 Minutes
Cooking Time

15 Minutes
Servings

2

కావాల్సిన పదార్ధాలు

స్వీట్‌కార్న్‌ - రెండు కప్పులు,
మొక్కజొన్న రవ్వ - పావు కప్పు,
మైదా - పావు కప్పు,
జీలకర్ర - పావు టీ స్పూను,
గుడ్డు - 1,
ఉల్లికాడ - 1,
కొత్తిమీర తరుగు - గుప్పెడు,
నిమ్మరసం - 1 టేబుల్‌ స్పూను,
ఉప్పు, మిరియాలపొడి - రుచికి తగినంత,
నూనె - 2 టేబుల్‌ స్పూన్లు.

తయారు చేయు విధానం

Step 1
ఉల్లికాడని సన్నముక్కలుగా తరగి పక్కన పెట్టుకోవాలి.
Step 2
ఒక పాత్రలో స్వీట్‌ కార్న్‌, మొక్కజొన్న, రవ్వ, మైదా, జీలకర్ర, కలిపి మిశ్రమంగా కలుపుకోవాలి.
Step 3
ఆపై దానికి గుడ్డుసొన, ఇందాకా తీసి పెట్టుకున్న ఉల్లికాడ తరుగు, కొత్తిమీర, నిమ్మరసం, ఉప్పు, మిరియాలపొడి వేసి బాగా గిలకొట్టాలి (గట్టిగా అనిపిస్తే కొద్దిగా నీరు కలుపుకోవచ్చు).
Step 4
పాన్‌పై కార్న్‌ మిశ్రమాన్ని గరిటతో చదునుగా సర్ది, సన్నని మంటపై రెండు వైపులా దోరగా కాల్చుకోవాలి.
Step 5
స్వీట్ అండ్ సింపుల్ ఆమ్లెట్‌ రెడీ అయిపోయింది. దీనిని బ్రేక్ ఫాస్ట్ లా సాస్ తో, లేక రైస్ లో నంజుకున్నా బాగుంటుంది.