tasty ivy gourd special biryani.

బిర్యానీ అనే పేరు చెప్పగానే ఆటోమేటిక్ గా నాన్ వెజ్ వైపు మళ్లుతుంటారు జనాలు. కానీ, వెజ్ లో కూడా చాలా వెరైటీస్ బిర్యానీలు కూడా చేసుకునే స్కోప్ ఉంది. మిక్స్ డ్ వెజిటెబుల్ లాగా కాకుండా ప్రత్యేకంగా ఒక్కో కూరగాయతో కూడా బిర్యానీ చేసుకోవచ్చు. ఏడాది పొడవునా దొరికే కాయగూర దొండకాయతో బిర్యానీ ఎలా చేయొచ్చో ఇప్పుడు చూద్దాం. షుగర్ ఉన్న వారికి ఇది చాలా ఉపకరిస్తుంది.

Prep Time

20 Minutes
Cooking Time

30 Minutes
Servings

3

కావాల్సిన పదార్ధాలు

బాసుమతి బియ్యం - 2 కప్పులు,
ఉల్లిపాయ - 1,
నూనె - 2 టేబుల్‌ స్పూన్లు,
నెయ్యి - అర టేబుల్‌ స్పూను,
అల్లం వెల్లుల్లి పేస్టు - 1 టీ స్పూను,
కొబ్బరి పేస్టు - 2 టేబుల్‌స్పూన్లు,
దనియాలపొడి - 1 టీ స్పూను,
జీరాపొడి - పావు టీ స్పూను,
కారం - 1 టీ స్పూను,
పసుపు - పావు టీ స్పూను,
దొండకాయలు - పావుకేజీ,
ఉప్పు - రుచికి సరిపడా,
నిమ్మరసం - 1 టేబుల్‌ స్పూను,
కొత్తిమీర - గుప్పెడు,
పుదీనా - అర కప్పు,
పచ్చిమిర్చి - 2.

తయారు చేయు విధానం

Step 1
బియ్యం పొడిగా ఉడికించి పక్కనపెట్టుకోవాలి.
Step 2
కొద్దిగా నూనె, నెయ్యి కడాయిలో వేసి నిలువుగా తరిగిన దొండకాయల్ని 15 నిమిషాలు వేగించి తీసేయాలి.
Step 3
అదే నూనెలో ఉల్లి, అల్లం వెల్లుల్లి, పుదీనా వేగించి కొబ్బరి పేస్టు కలపాలి.
Step 4
ఓ రెండు నిమిషాల తర్వాత దనియా, జీరా, పసుపు, ఉప్పు, కారం పొడులు కలిపి దొండకాయ ముక్కలు వేసి ఐదు నుంచి ఏడు నిమిషాలు వేగనివ్వాలి.
Step 5
ఆపై అన్నం, నిమ్మరసం కలిపి దించేయాలి. రుచికరమైన ఈ దొండకాయ బిర్యాని రైతాతో చాలా రుచిగా ఉంటుంది.