Tomato Rice|special rice items| healthy tomato rice recipe

టమాటాలో ఆరోగ్యంతోబాటు సౌందర్యాన్ని మెరుగుపరిచే పోషకాలు ఎన్నో నిల్వవున్నాయని మనకు తేలుసు. కాబట్టి.. ప్రతిఒక్క వంటకంలోనూ టమాటాలు తినడం ఎంతో శ్రేయస్కరం. అయితే చాలావరకు ఇతర వంటకాల్లో టమాటాలను వాడిన చాలా తక్కువ మోతాదులో వాడతారు. దీంతో ఎక్కువ ప్రయోజనాలు కలగవు. అదే నేరుగా టమాటాలతో రైస్ చేసుకుంటే.. పోషకాలు అందడంతోబాటు మంచిరుచిని ఆస్వాదించొచ్చు. మరి.. టమాటా రైస్ ఎలా చేస్తారో ఈ రెసిపి ద్వారా కావలసిన పదార్ధాలతో తెలుసుకుందామా.

Prep Time

15 Minutes
Cooking Time

25 Minutes
Servings

1or 2

కావాల్సిన పదార్ధాలు

అర కిలో బియ్యం
అర కిలో టమాటాలు
రెండు ఉల్లిగడ్డలు
నాలుగు పచ్చిమిర్చి
అర టీ స్పూన్ గరం మసాల
ఒక కట్ట కొత్తిమీర
చిటికెడు‌ పసుపు
ఐదు‌ యాలకులు
ఒక కప్పు‌ నెయ్యి
టీ స్పూన్‌ కారం
సరిపడా‌ ఉప్పు
రెండు రెబ్బలు‌ కరివేపాకు

తయారు చేయు విధానం

Step 1
బియ్యం కడిగి నానబెట్టాలి. తాజా టమాటాలను శుభ్రంగా కడిగి పక్కన పట్టుకొవాలి. ఉల్లిగడ్డలు, పచ్చిమిర్చి, కొత్తిమీర కట్ట తీసుకొని శుభ్రంగా కడిగి చిన్నచిన్నముక్కలుగా కట్ చేసుకొవాలి.
Step 2
ఇప్పుడు ఒక పాత్ర తీసుకొని అందులో టమాటాలు కొన్నినీళ్లు వేసి ఉడికించాలి. ఇప్పుడు టమాటాలు మెత్తబడ్డాక మిక్సిలో వేసి కొద్దిగా అవసరం అయితే కొన్ని నీళ్లు కలిపి టమాటా రసం నాలుగు గ్లాసులు వచ్చేలా తియ్యాలి.
Step 3
స్టవ్ వెలిగించి, ఒక పాత్రలో నెయ్యి వేసి కాగిన తరువాత యాలకులు, లవంగాలు, కరివేపాకు వేసి వేగాక, ఉల్లి ముక్కలు, పచ్చిమిర్చి ముక్కలు వేసి వేపాలి.
Step 4
ఇప్పుడు పసుపు, కారం, ఉప్పు, గరం మసాల, కొత్తిమీర వేసి కాసేపు వేగనిచ్చి బియ్యం వేసి అర నిముషం వేపాలి.
Step 5
తరువాత టమాటా రసం వేసి ఒకసారి కలిపి, మూతపెట్టి పది నిముషాలు పెద్ద మంటమీద ఉడికించి, తరువాత పది నిముషాలు చిన్న మంట మీద ఉడికించాలి.
Step 6
ఇప్పుడు స్టవ్ ఆపి కొత్తిమీర చల్లి వేడివేడిగా వున్నప్పుడు వడ్డించాలి. అంతే ఘుమఘుమలాడే టమాట రైస్ రెడి.