koramenu curry

చేపల పులుసు తెలుగు వారికి మాత్రమే ప్రత్యేకం. చేపలు ఆరోగ్యానికి చాలా మంచిది. చేపలపులుసు అనగానే అందరికి నోరూరిపోతుంది. చికెన్ తరువాత నాన్ వెజ్ ప్రియులు ఇష్టపడేది చేపలనే. కారంగా, పుల్లపుల్లగా, కమ్మగా ఉండే ఈ కొరమీను పులుసు పెట్టడం ఎలాగో ఇప్పుడు చూద్దాం.

Prep Time

35 Minutes
Cooking Time

30 Minutes
Servings

4

కావాల్సిన పదార్ధాలు

కొరమీను చేపలు – 1 కిలో
ఉల్లిపాయలు – 2 కప్పులు తరిగినవి
పసుపు – చిటికెడు
ఉప్పు – తగినంత
నూనె – కావలసినంత
కారం – రుచికి సరిపడా
అల్లంవెల్లుల్లి పేస్ట్‌ – తగినంత
పచ్చిమిరపకాయలు – 3
ధనియాల పొడి – 1/4 టీ స్పూను
గరం మసాలా – 1/4 టీ స్పూను
కొత్తిమీర , కరివేపాకు రెబ్బలు

తయారు చేయు విధానం

Step 1
కొరమీను చేపను కడిగి శుభ్రం చేసుకోవాలి.
Step 2
దానిలో తగినంత కారం, పసుపు, ఉప్పు, ధనియాల పొడి, అల్లంవెల్లుల్లి పేస్ట్‌, గరం మసాలా వేసి 20 నిమిషాలపాటు నానబెట్టాలి.
Step 3
ఆ తర్వాత గ్యాస్ వెలిగించి ఓపాత్ర పెట్టి అందులో నూనె పోసి వేడి చేయాలి.
Step 4
నూనె కాగాక ఉల్లిపాయలు, పచ్చిమిర్చి ముక్కలను వేసి వేయించుకోవాలి.
Step 5
బాగా వేగాక చేప ముక్కలు కూడా చేర్చి 2 నిమిషాలు వేయించి తగిన నీళ్లు పోసి మూత పెట్టి సన్నని మంట మీద ఉడికించాలి.
Step 6
చివరిగా సన్నగా తరిగిన కొత్తిమీర వేసి రెండు నిమిషాల తరువాత దించెయ్యాలి.
Step 7
చల్లారిన తరువాత ఇంకా రుచిగా ఉండే ఈ పులుసు రెండు రోజులైనా అదే రుచితో ఘుమఘుమలాడుతూ ఉంటుంది.