green peas dhokla

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే గ్రీన్ పీస్ ధోక్లా ఎలా తయారుచేయాలో ఇక్కడ తెలుసుకోండి.

Prep Time

8 Hour 25 Minutes
Cooking Time

30 Minutes
Servings

2

కావాల్సిన పదార్ధాలు

మినపపప్పు - అర కప్పు,
శనగపప్పు - అర కప్పు,
బియ్యం - అర కప్పు,
బఠాణీలు - ఒక కప్పు,
అల్లం - చిన్న ముక్క,
పచ్చిమిరపకాయలు - 3,
ఇంగువ - అర టీ స్పూన్,
బేకింగ్ సోడా - పావు టీ స్పూన్,
ఆవాలు - అర టీ స్పూన్,
కొబ్బరితురుము - ఒక స్పూన్,
నువ్వులు - 2 టీ స్పూన్స్,
నూనె, ఉప్పు - తగినంత

తయారు చేయు విధానం

Step 1
బియ్యం, శనగపప్పు, మినపప్పులను కడిగి విడివిడిగా నానబెట్టాలి. తర్వాత రోజు పొద్దున్నే అన్నింట్లో నీటిని వడగట్టి ఒక గిన్నెలో వేసుకోవాలి.
Step 2
అందులో వాటితోపాటు అల్లం, పచ్చిమిరపకాయలు, ఇంగువ, బఠాణీలు వేసి గ్రైండ్ చేసుకోవాలి.
Step 3
ఇలా చేసుకున్న మిశ్రమాన్ని మూతపెట్టి 7 నుంచి 8గంటల పాటు అలాగే ఉంచాలి.
Step 4
ఆ తర్వాత దీంట్లో బేకింగ్ సోడా, ఉప్పు, కొన్ని నీళ్ళు పోసి ఇడ్లీ మిశ్రమంలా కలుపుకోవాలి.
Step 5
ధోక్లా ప్లేట్‌లో ఈ మిశ్రమాన్ని వేసి కుక్కర్‌లో ఆవిరి మీద ఉడికించాలి. పదిహేను నిమిషాల్లో ఉడికిపోతాయి. వాటిని ఒక ప్లేట్‌లో పెట్టుకోవాలి.
Step 6
దాన్ని చిన్నగా మనకు నచ్చిన రీతిలో కట్ చేసుకోవాలి. ఇప్పుడు కడాయిలో నూనె పోసి ఆవాలు, నువ్వులు, పచ్చిమిరపకాయలు వేయించి ధోక్లాల మీద వేయాలి. కొబ్బరితురుముతో అందంగా గార్నిష్ చేసి సర్వ్ చేయాలి.