fish fried rice

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఫిష్ ఫ్రైడ్ రైస్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

2

కావాల్సిన పదార్ధాలు

ముల్లు తీసేసిన చేప ముక్కలు - అరకిలో,
వండిన అన్నం - మూడు కప్పులు,
ఉల్లిపాయలు - మూడు,
చిల్లీ సాస్ - రెండు టీ స్పూనులు,
సోయా సాస్ - రెండు టీ స్పూనులు,
పెప్పర్ పౌడర్ - ఒక టీస్పూను,
కార్న్ స్టార్చ్ - ఒక టీ స్పూను,
సన్నగా తరిగిన క్యాప్సికం - ఒక కప్పు,
కొత్తిమీర - ఒక కప్పు,
తురిమిన అల్లం - ఒక టీ స్పూను,
నూనె - సరిపడినంత,
ఉప్పు - తగినంత

తయారు చేయు విధానం

Step 1
చేప ముక్కలని నచ్చిన పరిమాణంలో కోయాలి. వాటిని నీటితో శుభ్రంగా కడిగి పక్కన పెట్టుకోవాలి. వాటికి తడి పెద్దగా లేకుండా చూసుకోవాలి.
Step 2
ఇప్పుడు చిల్లీ సాస్, సోయా సాస్, పెప్పర్ పొడి ముక్కలకి బాగా అంటేలా కలిపి పావుగంట పాటూ ఉంచాలి. సరిపడినంత ఉప్పు వేసి అన్నం వండి పక్కన పెట్టుకోవాలి.
Step 3
చేపముక్కలపై కాస్త కార్న్ స్ట్రార్చ్ పొడి కూడా వేయాలి. పాన్‌లో నూనె వేసి వేడెక్కాక, అందులో చేపముక్కల్ని ఎర్రగా వేపాలి. వాటిని తీసి ఒక గిన్నెలో పెట్టుకోవాలి.
Step 4
ఇప్పుడు అదే పాన్ లో మళ్లీ నూనె వేసి అల్లం వెల్లుల్లి తరుగు‌ని వేపాలి. అందులో నిలువుగా తరిగి పెట్టుకున్న ఉల్లిపాయ ముక్కలు, కొత్తిమీర, క్యాప్సికమ్ వేసి బాగా వేపాలి.
Step 5
ముందుగా వేపి పెట్టుకున్న చేపలు కూడా వేసి మళ్లీ ఫ్రై చేయాలి. ఇప్పుడు వండిన అన్నాన్ని చేప ముక్కల మిశ్రమంలో వేసి జాగ్రత్తగా కలపాలి. అంతే ఫిష్ ఫ్రైడ్ రైస్ సిద్ధం.