masala avada

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మసాలా ఆవడ ఎలా తయారుచేయాలో ఇక్కడ తెలుసుకోండి.

Prep Time

20 Minutes
Cooking Time

20 Minutes
Servings

2

కావాల్సిన పదార్ధాలు

సెనగపప్పు, కందిపప్పు, పెసరపప్పు, మినప్పప్పు - అరకప్పు చొప్పున,
జీడిపప్పు పలుకులు - పావుకప్పు,
కొత్తిమీర, పుదీనా - కట్ట చొప్పున,
పచ్చిమిర్చి - ఆరు,
అల్లం - చిన్న ముక్క,
కరివేపాకు - రెండు రెబ్బలు,
వంటసోడా - పావుచెంచా, ఉప్పు - తగినంత,
నూనె - వేయించేందుకు సరిపడా.
తాలింపు కోసం:
పెరుగు - మూడు కప్పులు,
క్యారెట్‌ తురుము - పావుకప్పు,
పచ్చిమిర్చి - రెండు,
అల్లం తరుగు - చెంచా,
ఉప్పు - తగినంత,
ఆవాలు, మినప్పప్పు - చెంచా చొప్పున,
నూనె - చెంచా
కొత్తిమీర తరుగు- చెంచా.

తయారు చేయు విధానం

Step 1
రెండు గంటల ముందుగా సెనగపప్పూ, మినప్పప్పూ, కందిప్పప్పూ, పెసరపప్పును నానబెట్టుకోవాలి. తరవాత నీళ్లు వంపేసి మెత్తని పిండిలా రుబ్బి ఓ గిన్నెలోకి తీసుకోవాలి. అలాగే జీడిపప్పూ, కొత్తిమీరా, పుదీనా, కరివేపాకూ, అల్లం, పచ్చిమిర్చి మిక్సీలో మెత్తగా రుబ్బుకోవాలి.
Step 2
ఈ మిశ్రమాన్ని సెనగపప్పు ముద్దపై వేయాలి. అలాగే తగినంత ఉప్పూ, వంటసోడా కూడా వేసుకుని మరోసారి కలపాలి. ఈ పిండిని చిన్నచిన్న వడల్లా తట్టుకుని కాగుతున్న నూనెలో వేసి ఎర్రగా వేయించుకుని తీసుకోవాలి.
Step 3
వీటి వేడి కాస్త చల్లారాక వేడినీటిలో వేసి నిమిషమయ్యాక తీసేయాలి. ఈ వడల్ని ఇప్పుడు ఉప్పూ, అల్లంతరుగూ, పచ్చిమిర్చి ముక్కలూ కలిపిన పెరుగులో వేసుకోవాలి. బాణలిని పొయ్యిమీద పెట్టి నూనె వేడిచేసి ఆవాలూ, మినప్పప్పు వేయించి దింపేయలి.
Step 4
ఈ తాలింపు వేడి చల్లారాక పెరుగుపై వేయాలి. చివరగా క్యారెట్‌ తురుమూ, కొత్తిమీరతో అలంకరిస్తే సరిపోతుంది.