sorakkai sambar

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే సొరకాయ సాంబారు ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

4

కావాల్సిన పదార్ధాలు

కందిపప్పు -1 కప్పు
టమాటాలు - 3
సొరకాయ ముక్కలు - 1 కప్పు (పెద్దగా కట్ చేసినవి)
మునక్కాడ - 1
చింతపండు గుజ్జు - 1 కప్పు
పచ్చిమిర్చి - 5
ఉల్లిపాయ ముక్కలు - కొన్ని
వెల్లుల్లి ముక్కలు - 1 స్పూన్
సాంబార్ పొడి - 2 స్పూన్స్
కొత్తిమీర, కరివేపాకు - కొద్దిగా
కారం - సరిపడ
పసుపు - 1/4 స్పూన్
ఉప్పు - సరిపడ
నూనె - 4 స్పూన్స్
పోపు గింజలు - 1స్పూన్

తయారు చేయు విధానం

Step 1
కందిపప్పు ని మెత్తగా ఉడికించి పక్కన పెట్టు కోవాలి. తరువాత మునక్కాడ మరియు టొమాటోలను ముక్కలుగా కట్ చేసుకోవాలి.
Step 2
తరువాత ఒక గిన్నెలో సొరకాయ మునక్కాడ ముక్కలు, కొద్దిగా ఉప్పు, పసుపు వేసి 2 గ్లాసుల నీళ్ళు పోసి ఉడికించాలి.
Step 3
సొరకాయ ముక్కలు బాగా ఉడికిన తరువాత చింతపండు గుజ్జు, పచ్చిమిర్చి ముక్కలు, టొమాటో ముక్కలు వేసి మరో 10 నిముషాలు ఉడికించాలి.
Step 4
తరువాత అందులో ఉడికించిన పప్పు వేసి బాగా కలిపి మరో గ్లాస్ నీళ్ళు పోసి, సరిపడ కారం, ఉప్పు, సాంబార్ పొడి, కొద్దిగా కరివేపాకు వేసి కొద్దిసేపు ఉడికించాలి.
Step 5
ఇప్పుడు బాణలిలో నూనె వేసి కాగాక పోపు గింజలు, ఎండు మిర్చి ఉల్లిపాయ ముక్కలు, వెల్లుల్లి ముక్కలు వేసి బాగా వేయించాలి.
Step 6
తరువాత ఈ పోపుని మరుగుతున్న సాంబార్ లో వేసి కలిపి మరో 5 నిముషాలు మరిగించి దించెయ్యాలి.
Step 7
అంతే రుచికరమైన సొరకాయ సాంబార్ తయార్. ఈ సాంబార్ ని వేడి అన్నములో కాని ఇడ్లీలో కాని తింటే చాల రుచిగా ఉంటుంది.