malai angur kheer

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే మలై అంగూర్ ఖీర్ ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

25 Minutes
Servings

3

కావాల్సిన పదార్ధాలు

అంగూర్ కోసం
ఛన్నా (ఖోవా)- 200గ్రాములు
పంచదార - 1 కప్పు
నీళ్లు - 2 కప్పులు
మైదా - 2 స్పూన్లు
ఖీర్ కోసం
పాలు - 1లీటరు
పంచదార - 1/4కప్పు
ఏలకుల పొడి - కొంచెం
జీడిపప్పు, బాదం, కిస్‌మిస్

తయారు చేయు విధానం

Step 1
ముందుగా సిద్ధం చేసుకున్న ఖోవా నుంచి రెండు స్పూన్లు పక్కన పెట్టి, మిగిలిన దాంట్లో, మైదావేసి, బాగా పిసికి కలపాలి.
Step 2
ఆ తరువాత ఆ మిశ్రమాన్ని చిన్న చిన్న దాక్షపళ్ల సైజులో వుండలుగా చేయాలి.
Step 3
రెండు కప్పుల నీళ్లను స్టవ్‌పై గినె్నలో వేసి, కాస్త మరిగాక పంచదార వేసి కలిపి, లేత పాకం పట్టాలి.
Step 4
అప్పుడు ఖోవా వుండలు అందులో వేసి కాస్సేపు వుడికించాలి.
Step 5
ఈ సమయంలో ఉండలు విడిపోకుండా జాగ్రత్తవహించాలి. ఆ తరువాత వాటిని మిశ్రమంలోంచి తీసి పక్కన వుంచాలి.
ఖీర్ తయారీ -
Step 6
లీటరు పాలను స్టవ్‌పై గినె్నలో వేసి, పక్కన పెట్టిన రెండు స్పూన్ల ఖోవాను అందులో కలపాలి. రెండు స్పూన్ల పంచదారను అందులోవేసి, పాలు సగానికి తరిగేలా సన్నసెగన మరిగించాలి.
Step 7
ఆ తరువాత మిగిలిన పంచదారను పాలల్లో వేసి బాగా కలియపెట్టాలి.
Step 8
యాలకులపొడి, జీడిపప్పు, కిస్‌మిస్ వేసి, స్టవ్ ఆర్పి, మిశ్రమాన్ని చల్లారనివ్వాలి.
Step 9
అప్పుడు ముందుగా తయారు చేసి పెట్టుకున్న అంగూర్‌లను ఆ పాలమిశ్రమంలో వేసి, ఒక గంటసేపు నాననివ్వాలి. చల్లగా ఇష్టపడేవారు ఫ్రిజ్‌లోక కూడా వుంచచ్చు.