Dal Makhani

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే దాల్ మఖని ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

25 Minutes
Servings

3

కావాల్సిన పదార్ధాలు

పొట్టు మినప పప్పు - 1 కప్పు
రాజ్మా - 1/4 కప్పు
టమాటో ప్యూరి - 1/2 కప్పు
తరిగిన ఉల్లిముక్కలు - 1 కప్పు
వెల్లుల్లి పేస్టు - 1 స్పూన్
ధనియాలపొడి - 1 స్పూన్
తాజా క్రీము - 2 స్పూన్స్
జీలకర్ర - 1/2 స్పూన్
ఉప్పు,కారం - తగినంత

తయారు చేయు విధానం

Step 1
తయారు చేయటానికి ముందు రోజు రాత్రి పొట్టు మినపపప్పుని, రాజ్మా ని వేరు వేరుగా నానబెట్టుకోవాలి.
Step 2
మర్నాడు తయారుచేసే దాల్ మాఖని తయారుచేయటానికి ముందుగా ఈ రెండిటిని కుక్కర్ లో ఉడికించాలి. వాటిని కాస్త మెదిపి పక్కన పెట్టుకోవాలి.
Step 3
ఇప్పుడొక కడాయిలో వెన్న వేసి జీలకర్ర వెయ్యాలి. అది వేగాకా వెల్లుల్లి పేస్టు వేసి దానితో పాటు ఉలిముక్కలు వేసి ఎర్రగా వేగనివ్వాలి.
Step 4
తరువాత టమాటో ప్యూరి వెయ్యాలి. అందులో ధనియాల పొడి, కారం, ఉప్పువేసి అన్ని కలిసి 2 నిమిషాలు మగ్గాకా ఉడికించి పెట్టుకున్న మినప పప్పు, రాజ్మా ని వేసి కలిపి పది నిముషాలు దగ్గరగా రానీయాలి.
Step 5
దానిలో తాజా క్రీము కలిపి కాసేపు ఉంచి దించెయ్యాలి. ఘుమఘుమలాడే దాల్ మాఖని రోటితో కలిపి తినటానికి రెడీ అయినట్టే.