khajoor payasam

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే కర్జూర పాయసం ఎలా తయారుచేయాలో ఇక్కడ తెలుసుకోండి.

Prep Time

15 Minutes
Cooking Time

30 Minutes
Servings

4

కావాల్సిన పదార్ధాలు

కర్జూరాలు - 3/4 కప్పు,
పాలు - రెండు కప్పులు,
నీళ్లు - ఒకటిన్నర కప్పు,
నెయ్యి - ఒక టీస్పూన్‌,
జీడిపప్పు పలుకులు - పన్నెండు,
ఎండుద్రాక్షలు - అరటేబుల్‌ స్పూన్‌,
యాలకలపొడి - అర టీస్పూన్‌.

తయారు చేయు విధానం

Step 1
కర్జూరాల్లో గింజలు తీసి సన్నటి ముక్కలుగా తరగాలి. కర్జూరాలు ఒకవేళ ఫ్రిజ్‌లో ఉంచినట్టయితే వాటిని ముందు రోజు బయట పెట్టాలి.
Step 2
ఒక గిన్నెలో పాలు వేడిచేయాలి. మరో పాన్‌లో నెయ్యి వేడిచేసి జీడిపప్పు పలుకులు, ఎండుద్రాక్షలు వేసి బంగారు రంగు వచ్చేవరకు వేగించి పక్కన పెట్టాలి.
Step 3
అదే పాన్‌లో కర్జూర తరుగు వేసి ఓ నిమిషం పాటు వేగించాలి. తరువాత నీళ్లు పోసి కర్జూర ముక్కలు గుజ్జులా అయ్యే వరకు ఉడికించాలి.
Step 4
దాన్ని అలానే సన్నటి మంట మీద ఉంచితే పదినిమిషాల్లో చిక్కపడుతుంది. చిక్కపడిన మిశ్రమంలో పాలు పోసి బాగా ఉడికించాలి.
Step 5
చివర్లో వేగించిన జీడిపప్పు పలుకులు, ఎండుద్రాక్షలు, యాలకలపొడి వేసి మరో ఐదు నిమిషాలు సన్నటి మంట మీద ఉంచితే కర్జూర పాయసం రెడీ.
Step 6
చల్లగా, వేడిగా ఎలా అయినా తినొచ్చు.