ulavacharu pulav recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే ఉలవచారు పులావ్ ఎలా తయారుచేయాలో ఇక్కడ తెలుసుకోండి.

Prep Time

10 Minutes
Cooking Time

30 Minutes
Servings

1-3

కావాల్సిన పదార్ధాలు

బాస్మతి బియ్యం - కేజీ
పెరుగు - 200 గ్రా.
ఉలవచారు - 200 గ్రా.
గరంమసాలా - 20 గ్రా.
పచ్చిమిర్చి పేస్ట్ - 2 టేబుల్ స్పూన్లు
నిమ్మరసం - 3 టేబుల్ స్పూన్లు
పుదీనా - రెండు కట్టలు
ఏలకులపొడి - టీ స్పూను
అల్లం వెల్లుల్లి పేస్ట్ - 20 గ్రా.
పైనాపిల్ పేస్ట్ - 3 టేబుల్ స్పూన్లు
మిరప్పొడి - రెండు టేబుల్ స్పూన్లు
ఉల్లితరుగు - 250 గ్రా.(డీప్ ఫ్రై చేయాలి),
కొత్తిమీర - ఒక కట్ట
ఉప్పు - తగినంత
బిరియానీ ఆకులు - 3
నెయ్యి - 150 గ్రా.

తయారు చేయు విధానం

Step 1
బాణలిలో నెయ్యి వేసి కాగాక అల్లం వెల్లుల్లి పేస్ట్, ఉల్లితరుగు, పుదీనా ఆకులు, కొత్తిమీర, పచ్చిమిర్చిపేస్ట్, పెరుగు వేసి బాగా కలపాలి.
Step 2
చిన్న పాత్రలో కొద్దిగా నూనె వేసి కాగాక అందులో గరంమసాలా, ఏలకులపొడి వేసి వేయించి, నిమ్మరసం, ఉలవచారు వేసి కలపాలి.
Step 3
పెద్దపాత్రలో రెండు లీటర్ల నీళ్లు పోసి మరిగించాలి. బిరియానీ ఆకులు, పచ్చిమిర్చిపేస్ట్, ఉలవచారు మిశ్రమం, నానబెట్టి ఉంచుకున్న బియ్యం వేసి గరిటెతో కలిపి ఉడికించాలి.
Step 4
అన్నం సగం ఉడికిన తర్వాత, నెయ్యి కరిగించి అన్నం మీద వేసి కలపాలి. మూత పెట్టి సుమారు 20 నిముషాలు ఉడికించాలి.
Step 5
పుదీనా ఆకులు, ఉల్లిచక్రాలతో గార్నిష్ చేసి, వేడివేడిగా సర్వ్ చేయాలి.