carrot uthappam recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే క్యారెట్ ఊతప్పం ఎలా తయారుచేయాలో ఇక్కడ తెలుసుకోండి

Prep Time

15 Minutes
Cooking Time

10 Minutes
Servings

1-3

కావాల్సిన పదార్ధాలు

బియ్యం.. ఒక కప్పు
మినప్పప్పు.. ఒక టీ.
మెంతులు.. ఒక టీ.
ఉప్పు.. తగినంత
వంటసోడా.. పావు టీ.
పచ్చిమిర్చి.. మూడు
ఉల్లిపాయ..ఒకటి
క్యారెట్ తురుము.. పావు కప్పు
టొమోటో.. ఒకటి
కొత్తిమీర.. కాస్తంత

తయారు చేయు విధానం

Step 1
బియ్యం, మినప్పప్పు, మెంతులను కలిపి నీటిలో సుమారు 8 గంటలపాటు నానబెట్టుకోవాలి.
Step 2
మరుసటి రోజు మెత్తగా గ్రైండ్ చేసుకోవాలి. గ్రైండ్ చేసుకున్న మిశ్రమాన్ని కూడా సుమారు 8 గంటలపాటు ఫ్రిజ్‌లో కాకుండా బయటే ఉంచాలి.
Step 3
పులిసిన పిండిలో ఉప్పువేసి బాగా కలియబెట్టాలి. ఊతప్పం వేయడానికి ముందు మాత్రమే సోడా వేసి కలపాలి.
Step 4
పెనం వేడిచేసి ఒక టీస్పూన్ నూనె వేసి పెనమంతా రుద్దాలి.
Step 5
ఇప్పుడు గరిటెతో పిండిని పోసి మందంగా వేయాలి. మరో టీస్పూన్ నూనెని ఊతప్పం చుట్టూ వేయాలి.
Step 6
ఇప్పుడు తరిగి ఉంచుకున్న పచ్చిమిర్చి, టొమోటో, క్యారెట్, ఉల్లిపాయ, కొత్తిమీర తరుగుల్ని వేయాలి. సిమ్‌లో 5 నిమిషాలు అలాగే ఉంచి, ఆ తరువాత ఊతప్పంను ప్లేటులోకి మెల్లిగా తీయాలి. అంతే క్యారెట్ ఊతప్పం తయార్.