Chicken tikka biryani recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే చికెన్ టిక్క బిర్యానీ ఎలా తయారుచేయాలో ఇక్కడ తెలుసుకోండి

Prep Time

25 Minutes
Cooking Time

40 Minutes
Servings

1-4

కావాల్సిన పదార్ధాలు

బోన్ లెస్ చికెన్: 1కేజీ
కారం: 2 స్పూన్స్
బాస్మతి రైస్ : 1కేజీ
అల్లం పేస్ట్: ఒక టీస్పూన్
పెప్పర్ పొడి: ఒక టీస్పూన్
నిమ్మరసం: ఒక టీస్పూన్
పచ్చిమిర్చి పేస్ట్ : 3 టీస్పూనులు
చెక్క : తగినంత
ఉప్పు: తగినంత
నెయ్యి : 2 టీ స్పూన్లు
పెరగు : 1 కప్పు
పాలు: ఒకటిన్నర కప్పు
నూనె : సరిపడా
వెల్లుల్లి పేస్ట్: ఒక టీస్పూన్
పసుపు: అర టీ స్పూన్
చాట్ మసాలా : ఒక టీస్పూన్
ఉల్లిపాయలు: 2
టమోటో: 2
లవంగాలు: 5
యాలకులు: 4
ఫుడ్ కలర్ (పసుపు రంగు) : 1/4టీస్పూను
కుంకుమ పువ్వు : చిటికెడు
బిర్యానీ ఆకు : 2

తయారు చేయు విధానం

Step 1
ముందుగా పెద్ద గిన్నె తీసుకొని అందులో చికెన్ ముక్కలు, పెరుగు, కారం, పచ్చిమిర్చి పేస్ట్, పసుపు, ఉప్పు, లవంగాలు, దాల్చిన చెక్క, యాలకులు, చాట్ మసాలా, నిమ్మరసం, ఎల్లో ఫుడ్ కలర్, అల్లం, వెల్లుల్లిపేస్ట్ వేసి అన్నింటినీ బాగా కలిపి ఈ మిశ్రమాన్ని 2 గంటలపాటు ఫ్రిజ్ లో పెట్టాలి.
Step 2
ఆ తరువాత బియ్యాన్ని కడిగి అరగంట సేపు నానబెట్టాలి. తర్వాత ఒక కప్పు వేడి పాలలో కుంకుమ పువ్వు వేసి నానబెట్టాలి.
Step 3
ఇప్పుడు స్టవ్ వెలిగించి పాన్ లో నూనె,నెయ్యి వేసి వేడయ్యాక ఉల్లిపాయ ముక్కలు వేసి బ్రౌన్ కలర్ వచ్చే వరకూ వేయించుకోవాలి.
Step 4
ఆ తరువాత టమోటో వేసి చిక్కటి గ్రేవి వచేవరకు ఉడికించాలి.
Step 5
ఇప్పుడు అందులోనే బిర్యానీ ఆకులు కూడా వేసి, నానబెట్టి పెట్టుకొన్న చికెన్ ముక్కలు కూడా వేసి10 నిముషాలు ఉడకనివ్వాలి.
Step 6
చికెన్ కొద్దిగా ఉడికిన తర్వాత స్టౌ ఆపేసి, తర్వాత ఒక పెద్ద గిన్నె తీసుకొని స్టవ్ పై పెట్టిన బియ్యానికి సరిపడా నీళ్ళు పోసి మరగనివ్వాలి.
Step 7
నీరు మరిగేటప్పుడు అందులో బియ్యాన్ని వేసి 10నిముషాలు ఉడికించి గంజి వంపేసి పక్కన పెట్టుకోవాలి.
Step 8
ఇప్పుడు వేరొక గిన్నె తీసుకుని ఉడికిన అన్నం ఒక లేయర్ లా వేసి తర్వాత చికెన్ ఒక లేయర్ గా వేసుకుని కుంకుం పువ్వు వేసి నానపెట్టుకున్న పాలను ఈ లేయర్స్ మీద వేసుకుని స్టవ్ పై 5 లేక 10 నిముషాలు మూత పెట్టి ఆవిరిపై ఉడికించుకోవాలి.
Step 9
10 నిమషాల తరువాత వేడి వేడి చికెన్ టిక్క బిర్యానీ సర్వ్ చేయడానికి రెడీ.