veg Haleem recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే వెజ్ హలీం ఎలా తయారుచేయాలో ఇక్కడ తెలుసుకోండి

Prep Time

20 Minutes
Cooking Time

45 Minutes
Servings

1-5

కావాల్సిన పదార్ధాలు

గోదుమ రవ్వ : 3/4 కప్పు,
మైసూర్‌ పప్పు : 1/2 కప్పు,
పెసర పప్పు : 1/2 కప్పు,
శనగపప్పు : 1/2 కప్పు,
సోయా గింజలు : 1/2 కప్పు,
నూనె : 2 చెంచాలు,
ఏలకులు : 4,
దాల్చిన చెక్క : 4 ముక్కలు,
లవంగాలు : 4,
సాజీరా : 1/2 కప్పు,
వెల్లుల్లి పేస్ట్‌ : రెండు చెంచాలు,
అల్లం పేస్ట్‌ : రెండు చెంచాలు,
ఉల్లిపాయల పేస్ట్‌ : 1/2 కప్పు,
కారం : స్పూన్‌,
దనియాల పొడి : రెండు చెంచాలు,
పచ్చి బటానీల పేస్ట్‌ : చెంచా,
ఉప్పు : తగినంత.

తయారు చేయు విధానం

Step 1
గోదుమ రవ్వను ఓ గంట పాటు నీటిలో నానబెట్టండి. తరువాత నీరు ఒంపి నాలుగు కప్పుల మంచినీరు పోయండి.
Step 2
పప్పులన్నీ వేసి కుక్కర్‌లో అర గంట ఉడికించండి.
Step 3
వేడినీటిలో సోయా గింజలను 20 నిమిషాలు నానబెట్టాలి. నీటిని తీసివేసి పక్కకు పెట్టుకోవాలి.
Step 4
ఇప్పుడు గిన్నెలో ఆయిల్‌ పోసి వేడి అయ్యాక లవంగాలు, యాలకులు, దాల్చిన చెక్క, సాజీరా వేసి కలపాలి.
Step 5
రెండు నిమిషాల తరువాత అల్లం, వెల్లుల్లి పేస్ట్‌ వేయాలి. తరువాత ఉల్లిపాయల పేస్ట్‌ కూడా వేసి కలయబెట్టాలి.
Step 6
ఇప్పుడు కారం, దనియాల పొడి, పచ్చి బఠానీలు వేయాలి.
Step 7
ఇప్పుడు ముందు ఉడికించి పెట్టుకున్న గోదుమ రవ్వ, పప్పుల మిశ్రమాన్ని కలపాలి.
Step 8
దీనిలో సోయా గింజలను వేయాలి. కొద్దిగా నీరు పోసి ఉడికించాలి. రుచికి సరిపోయేంత ఉప్పు కలిపి 5 నిమిషాలు సిమ్‌లో ఉంచాలి. ఇక వేడి వేడి వెజిటబుల్‌ హలీమ్‌ రెడీ...