Rava Kesari recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే రవ్వ కేసరి ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

2-4

కావాల్సిన పదార్ధాలు

బొంబాయి రవ్వ-100 గ్రాములు;
చక్కెర - 100 గ్రాములు (తీపి ఎక్కువ కావాలంటే మరో 50 గ్రాములు వేసుకోవచ్చు);
యాలకుల పొడి- పావు టీస్పూన్‌;
నెయ్యి -3 టేబుల్‌ స్పూన్స్‌,
మిఠాయి రంగు: చిటికెడు;
జీడిపప్పు, బాదాం, కిస్మిస్‌: 10చొప్పున;
నీళ్లు: సరిపడా.

తయారు చేయు విధానం

Step 1
వెడల్పాటి అడుగు మందమున్న గిన్నెను స్టౌపై ఉంచి చెంచా నెయ్యి వేయాలి.
Step 2
నెయ్యి వేడెక్కాక జీడిపప్పు, బాదాం, కిస్మిస్‌ దోరగా వేయించి పక్కన పెట్టు కోవాలి.
Step 3
అదే గిన్నెలో బొంబాయిరవ్వ వేసి కమ్మటి వాసన వచ్చేవరకూ వేయించాలి.
Step 4
వేయించిన రవ్వను కూడా విడిగా తీసిపెట్టాలి. ఇప్పుడు గిన్నెలో ఒకటికి మూడొం తుల నీళ్లు పోసి, మరగించాలి.
Step 5
హల్వా బాగా గట్టిగా కావాలంటే నీళ్లు ఒకటికి రెండే పోయవచ్చు. మరిగే నీళ్లల్లో పంచాదార, మిఠాయిరంగు వేసి కలపాలి.
Step 6
పంచదార కరిగాక, రవ్వను పోస్తూ ఉండలు కట్టకుండా కలుపుతూ ఉండాలి. బాగా దగ్గరపడ్డాక యాలకుల పొడి వేసి కలపాలి.
Step 7
చివరిలో మిగిలిన నెయ్యీ వేసి కలిపి, దించేయాలి.
Step 8
దీన్ని ఒక బౌల్‌లోకి తీసుకుని, ముందుగా వేయించి పెట్టుకున్న జీడి పప్పు, బాదం, కిస్మిస్‌లతో గార్నిష్‌ చేసుకోవాలి.
Step 9
అంతే ఎంతో రుచికరమైన రవ్వకేసరి రెడీ.