Nimmakya pulihora recipe

రోజూ ఒకే రకమైన వంట తిని విసుగుపుడుతోందా? అయితే ఖచ్చితంగా ఇది మీ కోసమే. అదిరిపోయే నిమ్మకాయ పులిహోర ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

20 Minutes
Servings

2-4

కావాల్సిన పదార్ధాలు

బియ్యం - 1 కప్పు,
నిమ్మకాయ - 1,
పచ్చిమిర్చి - 2,
ఉప్పు- తగినంత,
పసుపు - 1/4 టీస్పూను,
అల్లం - 1/4 అంగుళం,
జీడిపప్పు- 10,
పల్లీలు (సెనగకాయ పప్పులు) - 2 టేబుల్ స్పూన్లు,
నూనె - 2 టేబుల్ స్పూన్లు.
తాలింపు కొరకు :
ఆవాలు - 1/4 టీస్పూను ,
జీలకర్ర - 1/4 టీస్పూను ,
ఇంగువ -చిటికెడు ,
పచ్చిసెనగపప్పు - 1/2 స్పూను ,
ఎండుమిర్చి- 2,
మినపప్పు - 1/2 స్పూను,
కరివేపాకు - 2 రెమ్మలు.

తయారు చేయు విధానం

Step 1
ముందుగా బియ్యాన్ని బాగా శుభ్రపరుచుకుని, కప్పుకి 2 కప్పుల నీళ్లు పోసి ఉడికించుకోవాలి(కుక్కర్ / రైస్ కుక్కర్ లో ఉడికించుకున్న పర్వాలేదు). ఉడికిన అన్నాన్ని వెడల్పాటి గిన్నెలో కానీ, ప్లేట్లో కానీ ఆరపెట్టుకోవాలి. అన్నం పూర్తిగా చల్లారాక తాలింపుకు సిద్దంచేసుకోవాలి.
Step 2
ఒక చిన్న కడాయిలో నూనె పోయాలి.
Step 3
నూనె వేడి అయ్యాక ఇంగువ, తాలింపు సామాను, జీడిపప్పు, పల్లీలు,సన్నగా తరిగిన అల్లం మరియు పచ్చిమిర్చి(మధ్యకి నిలువుగా కోసుకోవాలి ) వేయ్యాలి. పప్పులన్నీ ఎర్రగా అయ్యేవరకు వేయించుకోవాలి.
Step 4
వేగిన పప్పులలో పసుపు వేసి స్టవ్ ఆఫ్ చేసుకోవాలి.
Step 5
ఆరబెట్టిన అన్నంలో ఈ పప్పుల తాలింపు, ఉప్పు మరియు నిమ్మకాయ రసం వేసి బాగా కలుపుకోవాలి . అంతే రుచికరమైన నిమ్మకాయ పులిహోర రెడీ.