spicy masala fry with baby potatoes

సాధారణ బంగాళ దుంప కంటే రుచిలో కాస్త డిఫరెంట్ గా ఉండేదే ఈ బేబీ పొటాటో. వింటర్ సీజన్ లోనే ఇవి ఎక్కువగా లభిస్తుంటాయి. బేబీ పొటాటోలను ఉపయోగించి అనేక వంటలను తయారుచేవచ్చు. ఈ పొటాటోలను ఫ్రై చేయడం లేదా రుచికరమైన చిక్కటి గ్రేవీలా తయారుచేసుకోవాలి. ముఖ్యంగా బేబీ పొటాటోలను పొట్టు తీయకుండా వండటం వల్ల ఆరోగ్యానికి చాలా మంది. మరి ఈ చిన్న పొటాటోలను క్రిస్పిగా మరియు స్పైసీగా ప్రై చేస్తే మరింత రుచికరంగా ఉంటుంది .

Prep Time

20 Minutes
Cooking Time

30 Minutes
Servings

4

కావాల్సిన పదార్ధాలు

8 నుంచి 10 బేబీ పొటాటోలు
2 లేదా మూడు పచ్చిమిర్చి
రెండు ఉల్లిపాయలు
ఒక టమాటో (మీడియం సైజు)
హాఫ్ టీస్పూన్ పసుపు
ఒక టీస్పూన్ ధనియాల పౌడర్
చిటికెడు గరం మసాలా
టేబుల్ స్పూన్ జీలకర్ర
అర స్పూన్ నూనె
ఉప్పు సరిపడినంత

తయారు చేయు విధానం

Step 1
ముందుగా బేబీ పొటాటోస్ ను శుభ్రంగా కడిగి పక్కన పెట్టుకోవాలి.
Step 2
తర్వాత ఫ్రైయింగ్ పాన్ లో కొద్దిగా నూనె వేసి అందులో బేబీ పొటాటోలు ఒకటి తర్వాత ఒకటి వేసి నిధానంగా ఫ్రై చేసుకోవాలి. లేదంటే మీదకు నూనె ఎగురుతుంది.
Step 3
మీడియం మంట మీద 5 నుండి 10 నిముషాలు గోల్డెన్ బ్రౌన్ కలర్ వచ్చే వరకూ వేగించుకోవాలి.
Step 4
అంతలోపు, ఉల్లిపాయను పేస్ట్ చేసుకోవాలి. అలాగే టమోటోలను కూడా సపరేట్ గా గ్రైంట్ చేసుకొని ఈ పేస్ట్ ను విడిగా పక్కకు తీసి పెట్టుకోవాలి.
Step 5
బేబీ పొటాటో ఫ్రై అయిన తర్వాత నూనె నుండి పొటాటోలను ప్లేట్ లోకి తీసి పెట్టుకోవాలి.
Step 6
అదే పాన్ లో మరికొద్దిగా నూనె వేసి వేడి అయ్యాక అందులో జీలకర్ర వేసి చిటపటలాడిన తర్వాత అందులో ఉల్లిపాయ పేస్ట్ వేసి మరో 5 నిముషాలు వేగించాలి. అలాగే పసుపు మరియు ఉప్పు కూడా వేసి ఫ్రై చేసుకోవాలి.
Step 7
రెండు నిముషాలు ఉడికించి అందులో పచ్చిమిర్చి వేసి ఫ్రై చేసుకోవాలి. ఇప్పుడు అందులో టమోటో పేస్ట్ కూడా జోడించి 5 నిముషాలు ఫ్రై చేసుకోవాలి.
Step 8
మొత్తం మిశ్రమం మిక్స్ చేస్తూ ఫ్రై చేయాలి. అందులోనే కారం, ధనియాల పొడి, మరియు గరం మసాలా వేసి మిక్స్ చేయాలి. తర్వాత ముందుగా ఫ్రై చేసి పెట్టుకొన్న బేబీ పొటాటోలను కూడా వేసి మిక్స్ చేస్తూ వేగించుకోవాలి.
Step 9
చివరగా బేబీపొటాటో ఫ్రై కి సన్నగా తరిగిన కొత్తిమీర తరుగును గార్నిష్ చేసి సర్వ్ చేయాలి.
Step 10
చపాతీ లేక రైస్ లోకి ఈ టేస్టీ ఫ్రై సూపర్బ్ గా ఉంటుంది.