masala chicken recipe cooking tips side dish

చికెన్’తో తయారయ్యే వివిధ వంటకాల్లో ఒకటైన మసాలా చికెన్ రిసిపీ.. ఎంతో టేస్టీగా, స్పైసీగా, నోరూరించే విధంగా వుంటుంది. ప్రతిఒక్కరు దీనిని ఎంతో ఇష్టంగా వండుకుని తింటారు. ఇక భోజనంలోనూ సైడ్’డిష్’గానే దీన్ని ఉపయోగిస్తారు. ఎంతో రుచికరమైన ఈ రిసిపీలో కొద్దిగా ఆలివ్ నూనెను కలిపితే.. మరింత అద్భుతమైన రుచిని ఆస్వాదించవచ్చు. మరి.. దీన్నెలా చేస్తారో తెలుసుకుందామా...

Prep Time

30 Minutes
Cooking Time

1 Hour 15 Minutes
Servings

2

కావాల్సిన పదార్ధాలు

3/4 (ముప్పావు) కేజీ చికెన్ ముక్కలు
2 టీ స్పూన్స్ ఆలీవ్ ఆయిల్
1-2 ఉల్లిపాయలు
2 టీ స్పూన్స్ వెల్లుల్లి ముద్ద
2 టీ స్పూన్స్ అల్లం ముద్ద
2 టీ స్పూన్స్ పసుపు
1 టీ స్పూన్ మెంతిపొడి
ఒక కట్ట కొత్తిమీర
ఒక కట్ట పుదీనా
2 టీ స్పూన్స్ కారం
1 టీ స్పూన్ గరంమసాలా
ఒక కప్ ఉడికించిన చికెన్ నీళ్లు
అరకప్పు కొబ్బరిపాలు
తగినంత ఉప్పు
సరిపడా నూనె

తయారు చేయు విధానం

Step 1
ముందుగా చికెన్ ముక్కలను శుభ్రంగా కడిగేసుకున్న తర్వాత.. ఒక పాత్రలో వేసి, నీళ్లు పోసి కొద్దిసేపు వేయించుకోవాలి. అనంతరం ఆ ఉడికించిన చికెన్ ముక్కలకు పసుపు పట్టించి పక్కన పెట్టుకోవాలి.
Step 2
ఒక గిన్నెలో కొద్దిగా ఆలీవ్ నూనె పోసి వేడి చేసుకోవాలి. నూనె కాగిన తర్వాత అందులో పసుపు పట్టించిన చికెన్ ముక్కలను వేసి, రెండువైపులా వేగేదాకా వేయించాలి. తరువాత క్రిందకు దించేయాలి.
Step 3
ఇప్పుడు మరో బాణలి తీసుకని అందులో కొద్దిగా నూనె వేసి వేడి చేయాలి. నూనె కాగిన తర్వాత అందులో ఉల్లిపాయ ముక్కలు, అల్లంవెల్లుల్లి పేస్ట్, మెంతిపొడి వేసి బాగా వేయించాలి.
Step 4
కాసేపు తర్వాత అందులోనే కారం, గరంమసాలా, ఉడికించిన చికెన్ నీళ్లు, కొబ్బరిపాలు పోసి కలుపుకోవాలి. 5 నిముషాల తర్వాత వేయించిన చికెన్ ముక్కలు, ఉప్పు వేసి 45 నిముషాలపాటు ఉడికించాలి. కూర బాగా ఉడికిన అనంతరం ఒక గిన్నెలోకి వేసుకుని.. పుదీనా, కొత్తిమీర తరుగులతో గార్నిష్ చేసుకోవాలి. అంతే!