chana dal pudding senaga pappu payasam recipe cooking tips

చల్లని వాతావరణంలో వేడివేడిగా వుండే పాయసం తీసుకుంటే ఆ మజాయే వేరుగా వుంటుంది. చల్లగా, తియ్యగా వుండే సాధారణ తీపి పదార్థాలను తీసుకోవడం కంటే.. హాట్’గా పాయసం చేసుకోవడమే ఎంతో మంచిది. దీని తయారీవిధానం కూడా సులభమే కాబట్టి అతి తక్కువ సమయంలోనే చేసుకోవచ్చు. మరి.. దీన్నెలా చేస్తారో తెలుసుకుందామా..

Prep Time

20 Minutes
Cooking Time

20 Minutes
Servings

2-4

కావాల్సిన పదార్ధాలు

1/2 కప్ శెనగపప్పు
10 బాదంపప్పులు
రెండున్నర కప్పులు పాలు
ఒకటిన్నర కప్పు పంచదార
1 టీ స్పూన్ నెయ్యి
1 టీ స్పూన్ జీడిపప్పు పలుకులు
1/2 టీ స్పూన్ యాలకుల పొడి
చిటికెడు వంట కర్పూరం

తయారు చేయు విధానం

Step 1
ఒక బాణలి తీసుకుని అందులో నూనె వేయకుండానే శెనగపప్పు వేసి ఎర్రగా వేయించుకోవాలి. తర్వాత వాటిని చల్లార్చుకొని కొద్దిసేపటివరకు నీటిలో నానబెట్టుకోవాలి. మరోవైపు బాదంపప్పును వేడినీటిలో నానబెట్టాలి.
Step 2
కొద్దిసేపటి తర్వాత ఒక పాత్ర తీసుకుని అందులో బాదంపప్పు పొట్టుతీసేసి వేయాలి. అలాగే నీటిలో నానబెట్టిన శెనగపప్పును కూడా అందులో వేసి ఆ రెండింటినీ మెత్తగా రుబ్బుకోవాలి.
Step 3
ఇప్పుడు మీడియం మంటమీద ఒక పాత్రను వుంచి అందులో రెండు కప్పుల నీరు కొద్దిసేపు వేడిచేసిన తర్వాత అందులో ఆ పప్పుల మిశ్రమాన్ని వేసి.. వుండలు రాకుండా తిప్పుతూ వుండాలి.
Step 4
ఇలా వేడిచేస్తుండగానే పప్పునుంచి పచ్చి వాసన పోయిన అనంతరం అందులో పంచదార కలుపుకోవాలి. పంచదార కరిగేంతవరకు అందులో పాలను కలిపి.. మూడు నిముషాల తర్వాత కిందకు దించేయాలి.
Step 5
చివరగా వంట కర్పూరం, యాలకుల పొడిని ఆ మిశ్రమంలో కలుపుకోవాలి. అంతే! హాట్ హాట్ శెనగపప్పు పాయసం సర్వ్ చేసుకోవడానికి రెడీ!