vankaya pachi masala kura

+ Write a Review

అదిరిపోయే వంకాయ పచ్చి మసాలా కూర ఎలా తయారుచేయాలో ఇక్కడ తెలుసుకోండి

Prep Time

10 Minutes
Cooking Time

30 Minutes
Servings

2-4

కావాల్సిన పదార్ధాలు

తెల్ల వంకాయలు 250 గ్రా.లు
ఉల్లిపాయలు 2
పచ్చిమిర్చి 5
పసుపు 1/4 టీస్పూన్
జీలకర్ర 1 టీస్పూన్
కొబ్బరిపొడి 3 టీస్పూన్లు
పల్లీలు 3 టేబుల్ స్పూన్లు
నువ్వులు 2 టీస్పూన్లు
మెంతులు 1/4 టీస్పూన్
పెరుగు 1/2 టీస్పూన్
అల్లంవెల్లుల్లిముద్ద 1/2 టీస్పూన్
ఉప్పు తగినంత
నూనె 4 టీస్పూన్లు
కొత్తిమీర కొద్దిగా
జీలకర్ర, మెంతులు 1/4 టీస్పూన్

తయారు చేయు విధానం

Step 1
ఈ కూర తెల్ల వంకాయలతో చేస్తే బావుంటుంది. ముందుగా గిన్నె లేదా కడాయి వేడి చేసి జీలకర్ర, నువ్వులు, మెంతులు, పల్లీలు దోరగా వేయించి పెట్టుకోవాలి.
Step 2
అందులో రెండు చెంచాల నూనె వేసి సన్నగా తరిగిన ఉల్లిపాయ ముక్కలు వేసి మెత్తబడేవరకు వేయించి తీసి పెట్టుకోవాలి.
Step 3
ముందుగా వేయించుకున్న దినుసులు పొడి చేసుకుని వేయించిన ఉల్లిపాయలు, కొబ్బరిపొడి, పసుపు, తగినంత ఉప్పు, అల్లంవెల్లుల్లి ముద్ద, పెరుగు వేసి మెత్తగా రుబ్బుకోవాలి
Step 4
కడాయిలో మిగిలిన నూనె వేసి వేడి చేసి జీలకర్ర, మెంతులు వేసి మెత్తగా గుత్తులుగా లేదా పెద్ద ముక్కలుగా తరిగిన వంకాయలు వేసి మూత పెట్టి మగ్గనివ్వాలి
Step 5
ముక్కలు కాస్త మెత్తబడ్డాక రుబ్బిన మసాలా, కప్పుడు నీళ్లు పోసి ఉడికించాలి.
Step 6
ఉడికి నూనె తేలిన తర్వాత కొత్తిమీర వేసి దింపేయాలి.